ഷൈന്‍ ടോം ചാക്കോയുടെ ചില വിചിത്രമായ പെരുമാറ്റങ്ങള്‍ സോഷ്യല്‍ മീഡിയയില്‍ ചര്‍ച്ചയാവാറുണ്ട്. അടുത്തിടെ വിമാനത്തിന്റെ കോക്ക്പിറ്റില്‍ ഷൈന്‍ കയറിയത് വലിയ വാര്‍ത്തയായിരുന്നു. അവര്‍ വിമാനം പറത്തുന്നുണ്ടോ എന്ന് നോക്കാനാണ് അവിടെ പോയതെന്ന് പിന്നാലെ ഷൈന്‍ മറുപടി പറഞ്ഞത്.
കഴിഞ്ഞ വര്‍ഷം ഡിസംബറില്‍ ആയിരുന്നു ഷൈന്‍ വിമാനത്തിന്റെ കോക്പിറ്റില്‍ കയറാന്‍ ശ്രമിച്ചത്. ദുബായ് വിമാനത്താവളത്തിലാണ് സംഭവം. അനുവദിച്ച സീറ്റില്‍ നിന്ന് മാറി ജീവനക്കാരുടെ സീറ്റില്‍ ഇരിക്കാന്‍ നടന്‍ ശ്രമിച്ചതായും ആരോപണമുണ്ടായിരുന്നു.
ഈ വിഷയത്തില്‍ വീണ്ടും പ്രതികരിച്ചിരിക്കുകയാണ് ഷൈന്‍. ”പറത്താന്‍ അറിയുന്നവരാണോ ഇത് പറത്തുന്നതെന്ന് പരിശോധിക്കാനാണ് കോക്പിറ്റില്‍ കയറിയത്. കാശ് കൊടുക്കുന്നതല്ലേ? എയര്‍ ഇന്ത്യ നമ്മള്‍ ഇന്ത്യയുടേതാണെന്നല്ലേ വിചാരിക്കുന്നത്. കോക്പിറ്റിനകത്ത് കയറിയപ്പോഴാണ് നമ്മളൊക്കെ അന്യരെന്ന് മനസിലാവുന്നത്. ”
”പൈലറ്റ് തലചുറ്റിയെങ്ങാനും കിടക്കുകയാണെങ്കില്‍ വെള്ളം തളിക്കണ്ടേ? അപ്പോഴും കയറാന്‍ പാടില്ലെന്നും പറഞ്ഞ് എല്ലാവരും പുറത്തു നിന്നാല്‍ മതിയോ?. പൈലറ്റ് അല്ലാത്ത ആളുകളൊക്കെ അതിനകത്ത് കയറുന്നത് ഞാന്‍ കണ്ടിട്ടുണ്ട്. അവര്‍ക്കൊന്നും പ്രശ്നം ഇല്ലല്ലോ?” എന്നാണ് ക്ലബ്എഫ്എമ്മിന് നല്‍കിയ അഭിമുഖത്തില്‍ ഷൈന്‍ പറയുന്നത്.
Read more
അതേസമയം, ‘ക്രിസ്റ്റഫര്‍’ ആണ് ഷൈനിന്റെതായി തിയേറ്ററുകളില്‍ പ്രദര്‍ശനം തുടരുന്ന ചിത്രം. പൊലീസ് വേഷത്തിലാണ് ഷൈന്‍ ചിത്രത്തില്‍ വേഷമിട്ടത്. തെലുങ്ക് ചിത്രം ‘ദശര’, ‘ആറാം തിരുകല്‍പ്പന’, ‘അടി’ എന്നീ സിനിമകളാണ് ഷൈനിന്റെതായി ഇനി തിയേറ്ററുകളില്‍ എത്താനിരിക്കുന്നത്.
