പ്രേക്ഷകരെ ഞെട്ടിച്ചു കൊണ്ടായിരുന്നു മമ്മൂട്ടിയുടെ ‘ഭ്രഹ്‌മയുഗം’ ചിത്രത്തിന്റെ ഫസ്റ്റ്‌ലുക്ക് പുറത്തെത്തിയത്. രാഹുല്‍ സദാശിവന്‍ സംവിധാനം ചെയ്യുന്ന ഹൊറര്‍ ചിത്രത്തില്‍ നടനും സംവിധായകനുമായ സിദ്ധാര്‍ഥ് ശിവനും ഒരു പ്രധാന വേഷത്തിലെത്തുന്നുണ്ട്. മമ്മൂട്ടിക്കൊപ്പം അഭിനയിക്കുക എന്നത് വെല്ലുവിളി ആയിരുന്നു എന്ന് പറയുകയാണ് സിദ്ധാര്‍ഥ് ഇപ്പോള്‍. നടന്റെ ഫെയ്‌സ്ബുക്ക് പോസ്റ്റ് ആണ് ഇപ്പോള്‍ ശ്രദ്ധ നേടുന്നത്.
സിദ്ധാര്‍ഥ് ഭരതന്റെ കുറിപ്പ്:
ഭ്രമയുഗത്തില്‍ മമ്മൂക്കയ്‌ക്കൊപ്പം സ്‌ക്രീന്‍ പങ്കിടുക എന്നത് ബഹുമതിയും അതോടൊപ്പം വെല്ലുവിളിയും ആയിരുന്നു. അദ്ദേഹത്തിന്റെ നിലവാരമുള്ള ഒരാളുടെ കൂടെ അഭിനയിക്കുന്നത് ഭയങ്കരമായിരുന്നു, പക്ഷേ അദ്ദേഹമത് അനായാസമാക്കി തന്നു.
മമ്മൂക്കയുടെ മാര്‍ഗ നിര്‍ദേശങ്ങളും പിന്തുണയും എന്റെ പരിമിതികളെ മറികടക്കാന്‍ സഹായിച്ചു. അദ്ദേഹത്തിന്റെ പ്രൊഫഷണലിസവും അര്‍പ്പണബോധവും കണ്ട് ഒത്തിരി കാര്യങ്ങള്‍ പഠിക്കാനായി. നിങ്ങള്‍ ശരിക്കും ഇതിഹാസമാണ് മമ്മൂക്ക.
ഈ സിനിമയുടെ അവിശ്വസനീയമായ യാത്രയില്‍ നിങ്ങളോടൊപ്പം ചേരാനായതില്‍ ഞാന്‍ കൃതാര്‍ത്ഥനാണ്. നിങ്ങളുടെ സ്‌നേഹം ഞാന്‍ എപ്പോഴും വിലമതിക്കപ്പെടും. സ്വന്തം കരവിരുതില്‍ മഹത്വത്തിനായി പരിശ്രമിക്കാന്‍ എന്നെ പ്രചോദിപ്പിക്കുന്ന ഒരു നിമിഷം.
