തന്റെ പുതിയ ചിത്രം മാനാടിന്റെ പ്രമോഷന്‍ വേദിയില്‍ പൊട്ടിക്കരഞ്ഞ് നടന്‍ ചിമ്പു. നവംബര്‍ 25ന് റിലീസാകുന്ന സിനിമയെക്കുറിച്ച് സംസാരിക്കുന്നതിനിടെയാണ് ചിമ്പു വികാരാധീനനായത്. ജീവിതത്തില്‍ ഒരുപാട് പ്രശ്‌നങ്ങള്‍ നേരിട്ടുകൊണ്ടിരിക്കുകയാണെന്നും തനിക്ക് വേണ്ടത് ആരാധകരുടെ സ്‌നേഹവും പിന്തുണയും മാത്രമാണെന്നും ചിമ്പു വേദിയില്‍ പറഞ്ഞു.
‘വെങ്കട്ട് പ്രഭുവുമായി ഒരുപാട് വര്‍ഷത്തെ പരിചയമുണ്ട്. പല കഥകളും ഞങ്ങള്‍ തമ്മില്‍ ചര്‍ച്ച ചെയ്യാറുണ്ട്. പക്ഷേ പടം വരുമ്പോള്‍ അതില്‍ നായകന്‍ വേറെ നടനായിരിക്കും. ഈ ചിത്രത്തെക്കുറിച്ച് ഒരോയൊരു ൈലന്‍ മാത്രമാണ് പറഞ്ഞത്. അങ്ങനെയാണ് അബ്ദുള്‍ ഖാലിഖ് എന്ന കഥാപാത്രത്തെക്കുറിച്ച് എന്നോട് പറയുന്നത്. അതെനിക്ക് ഇഷ്ടപ്പെടുകയും ഞാന്‍ താത്പര്യം പ്രകടിപ്പിക്കുകയും ചെയ്തു. ഈ ചിത്രം ബി?ഗ് സ്‌ക്രീനില്‍ കാണുമ്പോള്‍ നിങ്ങള്‍ക്ക് ഇഷ്ടപ്പെടും. ച
‘പൊതുവെ ഞാന്‍ പലയിടത്തും സിനിമയെക്കുറിച്ചാണ് സംസാരിച്ചിട്ടുള്ളത്. ഇനി എന്ത് പറയണമെന്ന് എനിക്കറിയില്ല. എനിക്ക് വല്ലാത്ത വേദന തോന്നുന്നു. ഞാന്‍ ഒരുപാട് പ്രശ്‌നങ്ങളും വിഷമങ്ങളും അഭിമുഖീകരിക്കുന്നുണ്ട്. അതെന്നെ ശരിക്കും ബുദ്ധിമുട്ടിക്കുന്നുണ്ട്. എന്റെ പ്രശ്‌നങ്ങള്‍ ഞാന്‍ കൈകാര്യം ചെയ്‌തോളം, പക്ഷേ ദയവായി നിങ്ങള്‍ എനിക്ക് കരുതല്‍ നല്‍കണം.’-ചിമ്പു പറഞ്ഞു.
‘മാനാട്’ സിനിമയുമായി ബന്ധപ്പെട്ട് താരത്തിനു നേരെ വധഭീഷണി ഉയര്‍ന്നിരുന്നു. സിനിമയുടെ റിലീസ് തടയാനും ശ്രമം നടത്തിയിരുന്നു. ഇതേതുടര്‍ന്ന് റിലീസ് ഏറെക്കാലം നീണ്ടുപോയി. ഇതാവാം ചിമ്പുവിനെ അസ്വസ്ഥനാക്കിയതെന്ന് ആരാധകര്‍ പറയുന്നു.