കുഞ്ചാക്കോ ബോബന്‍-സുരാജ് വെഞ്ഞാറമൂട് ചിത്രം ‘ഗര്‍ര്‍ര്‍’ കഴിഞ്ഞ ദിവസമാണ് തിയേറ്ററുകളില്‍ എത്തിയത്. സമ്മിശ്ര പ്രതികരണങ്ങള്‍ ലഭിച്ച ചിത്രത്തിന് ആദ്യ ദിനം വലിയ കളക്ഷന്‍ തിയേറ്ററുകളില്‍ നിന്നും നേടാനായിട്ടില്ല. സാക്‌നിക്കിന്റെ റിപ്പോര്‍ട്ട് പ്രകാരം 75 ലക്ഷം രൂപ മാത്രമാണ് ചിത്രത്തിന് ബോക്‌സ് ഓഫീസില്‍ നിന്നും നേടാന്‍ സാധിച്ചിട്ടുള്ളു.
ചിത്രത്തിന്റെ പ്രമോഷന്റെ ഭാഗമായി നടന്ന ഒരു അഭിമുഖത്തില്‍ സുരാജ് പറഞ്ഞ കാര്യങ്ങളാണ് ഇപ്പോള്‍ വൈറലായി കൊണ്ടിരിക്കുന്നത്. സിനിമകള്‍ പരാജയപ്പെട്ടാല്‍ കുഞ്ചാക്കോ ബോബന്‍ എന്തു ചെയ്യും എന്നതിനുള്ള ഉത്തരമാണ് സുരാജ് പറഞ്ഞിരിക്കുന്നത്. കുഞ്ചാക്കോയുള്ള ചോദ്യത്തിന് കൗണ്ടര്‍ എന്നോണമാണ് സുരാജിന്റെ മറുപടി പറഞ്ഞത്.
”ഞാന്‍ മിക്കവാറും പുതിയ സിനമകള്‍ ആദ്യ ഷോയില്‍ തന്നെ കാണാറുണ്ട്. ഒരു പോയിന്റ് കഴിയുമ്പോഴേക്കും നമുക്ക് അറിയാം, പടം കൈയ്യീന്ന് പോയോ എന്ന്” കുഞ്ചാക്കോ പറഞ്ഞു. ‘പടം പൊട്ടിയെന്ന് ആദ്യം കേള്‍ക്കുമ്പോള്‍ ഷോക്കാകും, റിയലൈസ് ചെയ്ത് കഴിയുമ്പോള്‍ അത് പതിയെ മാറും’ എന്നാണ് സുരാജ് പറയുന്നത്.
പടം പരാജയപ്പെട്ടു എന്നറിഞ്ഞാല്‍, ചാക്കോച്ചന്‍ തിയേറ്ററിന്റെ പുറകിലൂടെയിറങ്ങി കോര്‍ട്ടില്‍ ചെയ്യ് ബാഡ്മിന്റണ്‍ കളി തുടങ്ങും. പരാജയത്തിന്റെ സമ്മര്‍ദ്ദം മാറാനാണ് ചാക്കോച്ചന്‍ ബാഡ്മിന്റണ്‍ കളിക്കുന്നത് എന്നാണ് തമാശയായി സുരാജ് പറയുന്നത്. അതേസമയം, ഷാജി നടേശന്‍, തമിഴ് നടന്‍ ആര്യ എന്നിവര്‍ ചേര്‍ന്നാണ് ഗ്ര്‍ര്‍ര്‍ നിര്‍മ്മിച്ചത്.
മദ്യപിച്ച് മൃഗശാലയിലെ സിംഹക്കൂട്ടിലേക്ക് കയറുന്ന യുവാവിനെ കുറിച്ചും പിന്നീടുള്ള സംഭവവികാസങ്ങളുമാണ് ചിത്രം പറയുന്നത്. സംവിധായകന്‍ ജയ്.കെയും പ്രവീണ്‍.എസും ചേര്‍ന്നാണ് തിരക്കഥ ഒരുക്കിയത്. പ്രശസ്ത സംവിധായകനായ രതീഷ് ബാലകൃഷ്ണന്‍ പൊതുവാളാണ് ചിത്രത്തിന്റെ പ്രൊഡക്ഷന്‍ ഡിസൈനര്‍.
