തന്റെ പ്രണയത്തെ കുറിച്ച് ആദ്യമായി തുറന്നു പറഞ്ഞ് നടി സ്വാസിക. അടുത്തിടെയാണ് ടെലിവിഷന്‍ താരവും മോഡലുമായ പ്രേം ജേക്കബിനെ നടി വിവാഹം ചെയ്യാനൊരുങ്ങുന്ന വാര്‍ത്ത എത്തിയത്. തിരുവനന്തപുരത്ത് ജനുവരി 26ന് ആണ് ഇവരുടെ വിവാഹം. ജനുവരി 27ന് കൊച്ചിയില്‍ റിസപ്ഷനും സംഘടിപ്പിക്കും.
മനം പോലെ മാംഗല്യം എന്ന സീരിയലിന്റെ സെറ്റില്‍ വച്ചാണ് സ്വാസികയും ജേക്കബും പ്രണയത്തിലാകുന്നത്. ”ഞങ്ങള്‍ ആദ്യം കണ്ടത് സീരിയലിന്റെ സെറ്റിലാണ്. പ്രേമിന്റെ വോയിസ് എനിക്ക് ഭയങ്കര ഇഷ്ടമാണ്. ഞാന്‍ മനസ്സിലൊക്കെ സങ്കല്‍പ്പിച്ച തരത്തിലുള്ള മാന്‍ലി വോയ്‌സ് ആണ്.”
”ഞാനാണ് അങ്ങോട്ട് പ്രപ്പോസ് ചെയ്തത്. ഒരു റൊമാന്റിക് സീനിന് ഇടയില്‍ ഞാന്‍ നമുക്ക് കല്യാണം കഴിച്ചാലോ എന്നു ചോദിച്ചു. കുഞ്ചു എന്നോട് എന്താ എന്നു ചോദിച്ചു. പക്ഷേ രണ്ടാമത് അതേ ധൈര്യത്തോടെ ആ ഇഷ്ടം പറയാന്‍ എനിക്കൊരു മടി.”
”ഷെഡ്യൂള്‍ കഴിഞ്ഞ് തിരിച്ചു വരാന്‍ സമയത്ത് എനിക്കൊരു മെസേജ്, താങ്ക്‌സ് ഫോര്‍ കമിംഗ് ഫോര്‍ മൈ ലൈഫ്. പിന്നെയുള്ള റൊമാന്റിക് ദിവസങ്ങള്‍ അടിപൊളിയായിരുന്നു. ലൊക്കേഷനിലെ മനോഹരമായ റൊമാന്റിക് മുഹൂര്‍ത്തങ്ങള്‍” എന്നാണ് സ്വാസിക അമൃത ചാനലിന്റെ പരിപാടിക്കിടെ പറഞ്ഞത്.
Read more
അതേസമയം സ്വാസിക വളരെ എക്സ്പ്രസീവ് ആണെന്നാണ് പ്രേം പറയുന്നത്. ”വളരെ എക്സ്പ്രസീവ് ആണ് സ്വാസിക. സ്‌നേഹിക്കുന്ന കാര്യത്തില്‍ ആണെങ്കിലും സന്തോഷമായാലും സങ്കടമായാലുമെല്ലാം. എന്റെ ജീവിതത്തിലേക്ക് വന്നതിന് നന്ദി” എന്നാണ് പ്രേം ജേക്കബ് പറഞ്ഞത്.
