ബിഗ് സ്‌ക്രീനിലും മനിനി സ്‌ക്രീനിലും ഒരുപോലെ സജീവമാണ് സ്വാസിക. സിദ്ധാര്‍ഥ് ഭരതന്‍ ചിത്രം ‘ചതുരം’ ആണ് സ്വാസികയുടെതായി കഴിഞ്ഞ ദിവസം തിയേറ്ററുകളില്‍ എത്തിയത്. ഇന്റിമേറ്റ് സീനുകള്‍ ഉള്ളതിനാല്‍ ഏറെ വിമര്‍ശിക്കപ്പെട്ട സിനിമയാണിത്. എങ്കിലും മികച്ച പ്രതികരണങ്ങളാണ് ചിത്രത്തിന് ലഭിക്കുന്നത്.
തന്റെ പേരില്‍ വന്ന ഗോസിപ്പിനെ കുറിച്ച് സംസാരിച്ചിരിക്കുകയാണ് സ്വാസിക ഇപ്പോള്‍ പറഞ്ഞിരിക്കുന്നത്. ഉണ്ണി മുകുന്ദനൊപ്പം വന്ന ഗോസിപ്പിനെ കുറിച്ചാണ് സ്വാസിക പറയുന്നത്. ഉണ്ണി മുകുന്ദനൊപ്പം തന്റെ പേര് ചേര്‍ത്ത് വന്ന ഗോസിപ്പ് ഏറെക്കാലം നീണ്ടു നിന്നിരുന്നു.
‘മാമാങ്കം’ കണ്ടിട്ട് താന്‍ ഒരു ഫെയ്‌സ്ബുക്ക് പോസ്റ്റ് ഇട്ടപ്പോള്‍ മുതലാണ് ഗോസിപ്പ് വരാന്‍ തുടങ്ങിയത്. ലോക്ഡൗണ്‍ സമയത്ത് ഉണ്ണിയുടെ ഇന്‍സ്റ്റഗ്രാം പോസ്റ്റിന് കമന്റ് ചെയ്തിരുന്നു. ‘മഴ വന്നപ്പോള്‍ വാഴ ഒടിഞ്ഞു പോയി’ എന്നുള്ള പോസ്റ്റ് ആയിരുന്നു. ‘അയ്യോ’ എന്ന് താന്‍ കമന്റിട്ടു.
സ്വാസികയ്ക്ക് കയറി ചെല്ലാനുള്ള വീട്ടിലെ വാഴ നശിച്ചു, കൃഷി നശിച്ചു, സങ്കടം കൊണ്ട് പറഞ്ഞത് കേട്ടോ എന്നൊക്കെയുള്ള ഗോസിപ്പുകള്‍ വന്നിരുന്നു. അത് കേട്ട് ഏറെ ചിരിച്ചു. ഉണ്ണി മുകുന്ദനെ നേരിട്ട് കണ്ടപ്പോള്‍ സോറി പറഞ്ഞു. താന്‍ ആ പോസ്റ്റ് ഇട്ടത് കൊണ്ടാണല്ലോ ഈ ഗോസിപ്പ് വന്നത്.
‘അതൊന്നും കുഴപ്പമില്ല, ഇതൊക്കെ ഇതിന്റെെ ഭാഗമാണല്ലോ’ എന്നാണ് ഉണ്ണി മുകുന്ദന്‍ മറുപടി പറഞ്ഞത് എന്നാണ് സ്വാസിക ഒരു അഭിമുഖത്തില്‍ പറയുന്നത്. അതേസമയം, ‘മോണ്‍സ്റ്റര്‍’, ‘കുമാരി’, ‘ഓട്ടോറിക്ഷാക്കാരന്റെ ഭാര്യ’, ‘ചതുരം’ തുടങ്ങി നാല് സിനിമകളാണ് സ്വാസികയുടെതായി തിയേറ്ററുകളില്‍ പ്രദര്‍ശനം തുടരുന്നത്.