തന്റെ പുതിയ ചിത്രത്തിന്റെ പ്രമോഷനുകളുടെ തിരക്കിലാണ് ബോളിവുഡ് നടി തപ്‌സി പന്നു. ഈയിടെ മുംബൈയിൽ ചിത്രത്തിൻ്റെ പ്രൊമോഷൻ പരിപാടിയിൽ നിരവധി സോഷ്യൽ മീഡിയ ഇൻഫ്ലുൻസർമാരെ ചടങ്ങിൽ അതിഥികളായി ക്ഷണിച്ചിരുന്നു പരിപാടിയിൽ തപ്‌സി ഇവരിൽ ഒരാളുമായി സെൽഫിക്ക് പോസ് ചെയ്യാൻ വിസമ്മതിക്കുന്ന ഒരു വീഡിയോ ഇപ്പോൾ വൈറലായിരിക്കുകയാണ്.
അനന്യ ദ്വിവേദി എന്ന ഇൻഫ്ലുൻസർ താരത്തിനൊപ്പം വേദിയിൽ തപ്‌സിയെ സമീപിക്കുന്നതും നടി അഭ്യർത്ഥന നിരസിക്കുന്നതുമാണ് വിഡിയോയിൽ ഉള്ളത്. എന്നാൽ ഇതിനു താഴെ അനന്യ തന്റെ കമന്റും രേഖപ്പെടുത്തി.
‘അത് ഞാനാണ്. ക്യാമറകളാൽ ചുറ്റപ്പെട്ടിരിക്കുമ്പോൾ ആരെങ്കിലും ഒരു സെൽഫി നിരസിക്കുന്നത് എന്തുകൊണ്ടാണെന്ന് എനിക്ക് മനസ്സിലാകുന്നില്ല, എന്നെപ്പോലുള്ള ഇൻഫ്ലുൻസർമാരെ വിളിച്ചത് അവരുടെ ഗാനം പ്രൊമോട്ട് ചെയ്യാൻ വേണ്ടി മാത്രമാണ്! അവർക്ക് ശരിക്കും ഒരു നല്ല പിആർ പരിശീലനം ആവശ്യമാണ്’ എന്നാണ് അനന്യ കമന്റ് ചെയ്തിരിക്കുന്നത്.
വീഡിയോയ്ക്ക് നെറ്റിസൺസിൽ നിന്നും സമ്മിശ്ര പ്രതികരണമാണ് ലഭിക്കുന്നത്. തപ്‌സി മാന്യതയില്ലാത്തവളാണെന്നാണ് ചിലർ വിമർശിക്കുന്നത്. എന്നാൽ സെൽഫിക്ക് പോസ് ചെയ്യുന്നതും ചെയ്യാത്തതും അവരുടെ ഇഷ്ടമാണെന്നാണ് ചിലർ പറയുന്നത്.
അതേസമയം, തൻ്റെ ഹിറ്റ് ചിത്രമായ ഹസീൻ ദിൽറുബയുടെ രണ്ടാം ഭാഗത്തിലാണ് താരം ഇനി പ്രത്യക്ഷപ്പെടുക. വിക്രാന്ത് മാസി, ജിമ്മി ഷെർഗിൽ, സണ്ണി കൗശൽ എന്നിവരാണ് മറ്റ് അഭിനേതാക്കൾ.