വിജയ് ചിത്രം ബീസ്റ്റില്‍ നടി അപര്‍ണ ദാസ് ശ്രദ്ധേയമായ ഒരു കഥാപാത്രത്തെ അവതരിപ്പിച്ചിരുന്നു. ഇപ്പോഴിതാ ബീസ്റ്റിനെക്കുറിച്ചും തന്റെ പുതിയ ചിത്രത്തെക്കുറിച്ചും മനസ്സുതുറന്നിരിക്കുകയാണ് നടി.
ബീസ്റ്റിന് മുന്‍പ് കോള്‍ വന്നത് പ്രിയന്‍ ഓട്ടത്തിലാണ് എന്ന ചിത്രത്തില്‍ അഭിനയിക്കാനാണ് എന്ന് അപര്‍ണ പറയുന്നു. ബീസ്റ്റ് ഭയങ്കര വലിയ സിനിമയാണ്. വിജയ് സാറിനെ പോലുള്ള വലിയൊരു ആര്‍ടിസ്റ്റിന്റെ സിനിമയാണ്. ഒരുപാട് വര്‍ഷങ്ങളായി സിനിമയിലുള്ള ആര്‍ടിസ്റ്റാണ് അദ്ദേഹം. ചെറിയൊരു റോളാണ് എന്നാണ് അവര്‍ പറഞ്ഞത്.
പക്ഷേ, ആ ചിത്രത്തില്‍ അഭിനയിച്ചത് വളരെ വലിയകാര്യമായാണ് കാണുന്നതെന്നും അപര്‍ണ പറഞ്ഞു.ബീസ്റ്റിനെക്കാളും താന്‍ വളരെയധികം പ്രതീക്ഷവച്ചിരുന്ന സിനിമയാണ് ഇത്. ഇതിലെ റോളും ചെയ്യാനുള്ള കാര്യങ്ങളും എനിക്ക് കുറച്ചുകൂടി സ്‌പെഷ്യലായിരുന്നു.
കുറച്ചുകൂടി ഇഷ്ടമുള്ളതായിരുന്നു ആ ക്യാരക്ടര്‍. മാത്രമല്ല നമുക്ക് കുറേ റിലേറ്റ് ചെയ്യാന്‍ പറ്റും. ബീസ്റ്റില്‍ റിയല്‍ ലൈഫില്‍ നടക്കാത്ത കുറേ സംഭവങ്ങളാണ് പറയുന്നത്. ഇത് കുറേ റിലേറ്റ് ചെയ്യാന്‍ പറ്റുന്ന ഒരു ചിത്രമാണെന്നും അപര്‍ണ ദാസ് കൂട്ടിച്ചേര്‍ത്തു.