ഒരു കാലത്ത് തെന്നിന്ത്യൻ സിനിമയിൽ തിളങ്ങി നിന്നിരുന്ന താരമായിരുന്നു രംഭ. മലയാളത്തിനു പുറമെ തമിഴ് തെലുങ്ക്, കന്നഡ ഭാഷകളിലും രംഭ സജീവമായിരുന്നു. ചടുലമായ നൃത്ത ചുവടുകൾ കാഴ്ചവെക്കുന്ന ഗാനരംഗങ്ങൾ രംഭ സിനിമായിലുടനീളം ചെയ്തിട്ടുണ്ട്. പിന്നീട് ഒരു കാലം കഴിഞ്ഞ് രംഭ സിനിമയിൽ നിന്നും ഇടവേളയെടുത്തു.

ഇപ്പോഴിതാ ഒരു അഭിമുഖത്തിൽ രംഭ പറഞ്ഞ കാര്യങ്ങളാണു ശ്രദ്ധ നേടുന്നത്. സിനിഉലകം എന്ന തമിഴ് ഓൺലൈൻ ചാനലിന് നൽകിയ അഭിമുഖത്തിലാണ് രംഭ തന്റെ വിശേഷങ്ങൾ പങ്കുവച്ചത്. ഭർത്താവിനെ കുറിച്ചും കുട്ടികളെ കുറിച്ചും സംസാരിച്ച രംഭ തന്റെ അടുക്കളയെക്കുറിച്ചും സംസാരിച്ചു.

‘ചെന്നൈയിലെ വീട്ടിൽ വലിയ അടുക്കളയുണ്ട്. പക്ഷെ ഞാൻ ഇല്ലാത്ത സമയത്ത് ഉപയോഗിക്കാൻ വേണ്ടി ചെറിയൊരു അടുക്കള പണിതിട്ടുണ്ട്. അതിൽ ക്യാമറ വെച്ചിട്ടുണ്ട്. ആരും എന്റെ അടുക്കളയിൽ കയറാൻ പാടില്ല. എല്ലാ സ്ത്രീകളും അങ്ങനെയായിരിക്കണം. അത് എന്റെ ടെറിട്ടറി ആണ്’ എന്നാണ് രംഭ അഭിമുഖത്തിൽ പറഞ്ഞത്.

സിനിമാരം​ഗത്ത് നിന്നും ഒരുപാട് വർഷങ്ങളായി മാറി നിൽക്കുകയാണ് രംഭ. 2010 ൽ വിവാഹിതയാകുന്നത്തിന് മുമ്പ് തന്നെ തമിഴകത്ത് നടിയുടെ മാർക്കറ്റിൽ ഇടിവ് വന്നിരുന്നു. എന്നാൽ രംഭയ്ക്ക് ഇന്നും നിരവധി ആരാധകരാണുള്ളത്.