ആർഎൽവി രാമകൃഷ്ണനെതിരെ അധിക്ഷേപ പരമാർശം നടത്തിയ കലാമണ്ഡലം സത്യഭാമയ്‌ക്കെതിരെ കനത്ത പ്രതിഷേധം. സത്യഭാമ നടത്തിയ വിവാദ പരാമർശത്തിൽ പ്രതികരണവുമായി നടൻ മണികണ്ഠൻ ആചാരി.
സത്യഭാമയ്ക്കൊരു മറുപടി എന്ന് തുടങ്ങുന്ന കുറിപ്പിനോടൊപ്പം ആർ.എൽ.വി രാമകൃഷ്ണനൊപ്പമുള്ള ചിത്രവും നടൻ ഇൻസ്റ്റാഗ്രാമിൽ പങ്കുവച്ചിട്ടുണ്ട്. കുറിപ്പിന്റെ പൂർണരൂപം ഇങ്ങനെ :
View this post on Instagram
സത്യഭാമയ്ക്കൊരു മറുപടി
ഞങ്ങൾ മനുഷ്യരാണ്. ഈ മണ്ണിൽ ജനിച്ചു വളർന്നവർ. ഞങ്ങൾ കലാകാരന്മാർ ആണ്. അതാണ് ഞങ്ങളുടെ അടയാളം. ആടും പാടും അഭിനയിക്കും. കാണാൻ താത്പര്യമുള്ളവർ നല്ല മനസ്സുള്ളവർ കണ്ടോളും. ആരൊക്കെ എന്തൊക്കെ ചെയ്യണം എന്ന് നിങ്ങൾ വീട്ടിലിരുന്ന് തീരുമാനിക്കുന്ന കാലം കഴിഞ്ഞുപോയി.
ഇത് യുഗം വേറെയാണ്
ആർഎൽവി രാമകൃഷ്ണനെതിരെ അധിക്ഷേപ പരമാർശം നടത്തിയ കലാമണ്ഡലം സത്യഭാമയ്‌ക്കെതിരെ കനത്ത പ്രതിഷേധമാണ് ഉയർന്നു കൊണ്ടിരിക്കുന്നത്. സംവിധായകൻ വിനയൻ, ഹരീഷ് പേരടി തുടങ്ങിവരും തങ്ങളുടെ പ്രതികരണം അറിയിച്ചു. സോഷ്യൽ മീഡിയയിൽ അടക്കം വിവാദം ചർച്ചാവിഷയമായി മാറിയിരിക്കുകയാണ്.
