ടൊവിനോ തോമസും തൃഷയും ഒന്നിച്ചെത്തിയ ‘ഐഡന്റിറ്റി’ തിയേറ്ററുകളില്‍ മികച്ച പ്രതികരണമാണ് നേടുന്നത്. എന്നാല്‍ സിനിമയുടെ പ്രൊമോഷന് ടൊവിനോയ്ക്കും അണിയറ പ്രവര്‍ത്തകര്‍ക്കുമൊപ്പം തൃഷ മാത്രം പങ്കെടുത്തിരുന്നില്ല. അതിന്റെ കാരണം വ്യക്തമാക്കിയിരിക്കുകയാണ് ടൊവിനോ ഇപ്പോള്‍. വളര്‍ത്തുനായ ആയ സോറോ മരിച്ചതിനാലാണ് തൃഷ വിട്ടുനിന്നത് എന്നാണ് ടൊവിനോ പറയുന്നത്.
പ്രൊമോഷന് പരിപാടി പ്ലാന്‍ ചെയ്യുന്ന സമയത്ത് തൃഷയ്ക്ക് ഒരു സ്വകാര്യ നഷ്ടം സംഭവിച്ചു. അവര്‍ വളരെ സ്നേഹത്തോടെ എടുത്തു വളര്‍ത്തിയ വര്‍ഷങ്ങളായി കൂടെയുള്ള വളര്‍ത്തുനായ മരണപ്പെട്ടു. ആ വിഷമത്തില്‍ താന്‍ സിനിമകളുമായി ബന്ധപ്പെട്ട പരിപാടികളില്‍ നിന്നെല്ലാം ചെറിയ ഇടവേള എടുക്കുകയാണെന്ന് തൃഷ ഔദ്യോഗികമായി അറിയിച്ചിട്ടുള്ള കാര്യമാണ്.
Also read
അതേസമയം, ഡിസംബര്‍ 25ന് ക്രിസ്മസ് ദിനത്തിലായിരുന്നു തൃഷയുടെ വളര്‍ത്തുനായ സോറോ മരിച്ചത്. തൃഷയുടെ കുടുംബത്തിനൊപ്പം 12 വര്‍ഷത്തോളം കൂടെയുണ്ടായിരുന്ന വളര്‍ത്തുനായയാണ് സോറോ. നികത്താനാകാത്ത ഈ നഷ്ടത്തിന്റെ പേരില്‍ ഇനി അഭിനയത്തിലേക്ക് പോലും കുറച്ചു കാലത്തേക്ക് ഉണ്ടാവില്ല എന്നയിരുന്നു തൃഷ സോഷ്യല്‍ മീഡിയയില്‍ കുറിച്ചത്.
”എന്റെ മകന്‍ സോറോ ഈ ക്രിസ്മസ് പുലരിയില്‍ വിടപറഞ്ഞു. എന്നെ അടുത്തറിയാവുന്നവര്‍ക്ക് അറിയാം, ഇനി എന്റെ ജീവിതം അര്‍ഥശൂന്യമായിരിക്കുന്നു എന്ന്. ഞാനും എന്റെ കുടുംബവും ഈ ആഘാതത്തില്‍ നിന്നും മുക്തരായിട്ടില്ല. കുറച്ചു കാലത്തേക്ക് ജോലിയില്‍ നിന്നും ഇടവേള എടുക്കുന്നു” എന്നായിരുന്നു തൃഷയുടെ വാക്കുകള്‍.
