നടി തൃഷ വിവാഹിതയാകാത്തതിന് പിന്നിലെ കാരണം വെളിപ്പെടുത്തി നടനും മാധ്യമപ്രവര്‍ത്തകനുമായ ബയല്‍വാന്‍ രംഗനാഥന്‍. ‘കുറച്ച് വര്‍ഷം മുമ്പ് തൃഷയുടെ വിവാഹ നിശ്ചയം വരെ കഴിഞ്ഞതാണ്. നിര്‍മാതാവ് വരുണ്‍ മണിയനുമായിട്ടായിരുന്നു തൃഷയുടെ വിവാഹ നിശ്ചയം നടന്നത്. എന്നാല്‍ പിന്നീട് ആ വിവാഹ നിശ്ചയം മുടങ്ങിയ ശേഷം തൃഷ തെലുങ്ക് നടന്‍ റാണ ദഗുബതിയുമായി പ്രണയത്തിലായി.’
‘ഇരുവരും പൊതുപരിപാടികളില്‍ ജോഡികളായി പങ്കെടുക്കാറുണ്ടായിരുന്നു. ഏതാനും വര്‍ഷം ലിവിംഗ് ടുഗതര്‍ ലൈഫ് ഇരുവരും ഒരുമിച്ച് നടത്തുകയും ചെയ്തിരുന്നു. എന്നാല്‍ ആ പ്രണയവും വിവാഹത്തിന് മുമ്പ് തകര്‍ന്നു. പിന്നീട് തന്റെ ബാല്യകാലം മുതലുള്ള സുഹൃത്ത് സിമ്പുവുമായി തൃഷ പ്രണയത്തിലായി.’
പക്ഷെ സിമ്പു ഇന്നേവരെ എവിടേയും താനും തൃഷയും പ്രണയത്തിലായിരുന്നുവെന്ന് സമ്മതിച്ചിട്ടില്ല. എപ്പോള്‍ ചോദിച്ചാലും ഉറ്റ ചങ്ങാതിമാരുടെ പേരുകള്‍ക്കൊപ്പമാണ് തൃഷയുടെ പേര് സിമ്പു പറയാറുള്ളത്.’
തൃഷ ഇപ്പോള്‍ വരനെ തേടുകയാണ്.
ആരെയും ഇഷ്ടപ്പെടാത്തതിനാല്‍ തൃഷ വിവാഹിതയായിട്ടില്ല. ഒരിക്കല്‍ വിവാഹം എപ്പോഴുണ്ടാകുമെന്ന ചോദ്യത്തിന് തൃഷ മറുപടി നല്‍കിയിരുന്നു. വിവാഹം കഴിക്കാന്‍ ആഗ്രഹിക്കുമ്പോഴെല്ലാം മനസില്‍ വരുന്നത് വിവാഹിതരായ ശേഷം വേര്‍പിരിഞ്ഞവരെയാണ്.’ഞാനും അവരെപ്പോലെ വിവാഹമോചിതയാകുമോയെന്ന് ഭയപ്പെടുന്നുവെന്നും ആ ഭയം കൊണ്ടാണ് വിവാഹം കഴിക്കാത്തതെന്നും തൃഷ പറഞ്ഞു.’
‘വിവാഹം കഴിക്കുന്ന വ്യക്തി അഭിനയിക്കാന്‍ പാടില്ലെന്ന് പറയുകയോ അല്ലെങ്കില്‍ അഭിനയിക്കാന്‍ അനുമതി നല്‍കിയ സംശയം തോന്നി അഭിനയിക്കുന്നതില്‍ നിന്ന് തടഞ്ഞാലോയെന്ന ആകുലതയും’ തൃഷയ്ക്കുള്ളതായി അദ്ദേഹം പറഞ്ഞു.