തന്റെ പ്രായത്തെ കുറിച്ച് സോഷ്യല്‍ മീഡിയയില്‍ നടക്കുന്ന ചര്‍ച്ചകളെ കുറിച്ചും തന്നെ അധിക്ഷേപിച്ചതിനെ കുറിച്ചും തുറന്നു പറഞ്ഞ് മിനിസ്‌ക്രീന്‍ താരം ഉമ നായര്‍. ‘വാനമ്പാടി’ എന്ന സീരിയലിലൂടെ ഏറെ ശ്രദ്ധിക്കപ്പെട്ട താരമാണ് ഉമ നായര്‍. തന്നെ പലരും അമ്മൂമ്മ, കിളവി എന്നൊക്കെയാണ് വിളിക്കുന്നത് എന്നാണ് ഉമ പറയുന്നത്.
സോഷ്യല്‍ മീഡിയയില്‍ ഭയങ്കര മോശമായ കമന്റുകള്‍ കാണാം, അമ്മൂമ്മ, കിളവി എന്നൊക്കെ പറഞ്ഞ്. ഇതൊന്നും തന്നെ ബാധിക്കില്ല. തന്റെ പ്രായത്തിന് രണ്ടോ മൂന്നോ വയസ് വ്യത്യാസമുള്ളവരുടെ അമ്മയായിട്ടാണ് അഭിനയിക്കുന്നത്. അതില്‍ വേദനയുണ്ടോ എന്ന് ചോദിച്ചാല്‍ അങ്ങനെ ഒന്നുമില്ല.
താന്‍ വളരെ ഹാപ്പി ആയാണ് അഭിനയിക്കുന്നത്. പക്ഷെ ജനങ്ങള്‍ നമ്മളെ കാണുന്നത് 55 വയസ് ഒക്കെയുള്ള പ്രായമുള്ള മധ്യവയസ്‌കയായ സ്ത്രീ ആയാണ്. അതില്‍ ചിലപ്പോള്‍ തനിക്ക് ചിരി വരും. ഒരിക്കല്‍ ഉദ്ഘാടനത്തിന് വേണ്ടി പ്രമുഖ സ്ത്രീ വിളിച്ചിരുന്നു, അപ്പോള്‍ സുഹൃത്ത് തന്റെ പേര് പറഞ്ഞു.
‘അയ്യയ്യോ ആ കിളവി ഒന്നും വേണ്ട’ എന്നാണ് അവര്‍ പറഞ്ഞത്. ആ പറഞ്ഞ സ്ത്രീക്ക് 55 വയസ്സാണ് എന്നാണ് ഉമ നായര്‍ ഒരു മാധ്യമത്തിന് നല്‍കിയ അഭിമുഖത്തില്‍ പറയുന്നത്. സീരിയലില്‍ അഭിനയിക്കുന്നതില്‍ താന്‍ സന്തോഷവതിയാണെന്നും സീരിയല്‍ ബോര്‍ ആണെന്ന് പറയുന്നവരും അത് ആസ്വദിക്കുന്നുണ്ട് എന്നാണ് ഉമ പറയുന്നത്.
സീരിയലില്‍ താന്‍ ഹാപ്പിയാണ്. ലക്ഷങ്ങളില്‍ ഒരാളായി തനിക്ക് തുടരാന്‍ കഴിയുന്നത് സീരിയലിലൂടെ ആണല്ലോ. ഫാമിലിയെ താന്‍ മുന്നോട്ട് കൊണ്ടു പോവുന്നത് സീരിയല്‍ കൊണ്ടാണ്. കാണുന്നവരില്‍ എന്ത് ബോറാണ് എന്ന് പറയുന്നവരുണ്ട്. അത് ആസ്വദിക്കുന്നവരും ഉണ്ട് എന്നാണ് ഉമ പറയുന്നത്.