നടി ഉര്‍ഫി ജാവേദ് നിരന്തരം വിമര്‍ശനം നേരിടുന്നത് തന്റെ വിചിത്രമായ വസ്ത്രധാരണത്തിന്റെ പേരിലാണ് . എന്തും വസ്ത്രമായി ഉപയോഗിച്ചാണ് ഉര്‍ഫി ശ്രദ്ധ നേടിയത്. ഇപ്പോഴിതാ തന്റെ വസ്ത്രധാരണത്തിനുള്ള വിമര്‍ശനങ്ങള്‍ക്ക് മറുപടിയുമായി രംഗകത്തെത്തിയിരിക്കുകയാണ് ഉര്‍ഫി.
തുണിയുമായുള്ള സമ്പര്‍ക്കത്തില്‍ തൊലിപ്പുറം ചൊറിഞ്ഞുപൊന്തി വരുന്ന അവസ്ഥയാണ് ഉര്‍ഫിക്കുള്ളത്. അലര്‍ജിയാണ് . കമ്പിളി വസ്ത്രമോ ശരീരം മൂടുന്ന വസ്ത്രമോ ധരിച്ചാല്‍, തന്റെ അവസ്ഥ ഇങ്ങനെയാണെന്ന് ഉര്‍ഫി ഇന്‍സ്റ്റഗ്രാം വീഡിയോയില്‍ പറയുന്നു.
‘എനിക്ക് വസ്ത്രങ്ങളോട് അക്ഷരാര്‍ത്ഥത്തില്‍ അലര്‍ജിയാണ്’ എന്നാണ് ഈ വീഡിയോയ്ക്ക് അടിക്കുറിപ്പ് തന്നെ്. ‘ഞാന്‍ വസ്ത്രം കുറച്ച് ധരിക്കുന്നത് എന്തുകൊണ്ടാണെന്ന് നിങ്ങള്‍ക്ക് ഇപ്പോള്‍ മനസിലാകും, എനിക്ക് ഒരു ഗുരുതരമായ ഒരു അവസ്ഥയുണ്ട്. ശരീരം മൂടുന്ന വസ്ത്രം ധരിച്ചാല്‍ എന്റെ ശരീരം പ്രതികരിക്കാന്‍ തുടങ്ങും. തെളിവ് ഇവിടെ തന്നെ ഞാന്‍ കാണിച്ചു. അത് കൊണ്ടാണ് ഞാന്‍ നഗ്നയാകാന്‍ ഇഷ്ടപ്പെടുന്നത്’ – ഉര്‍ഫി ഇന്‍സ്റ്റഗ്രാം വീഡിയോയില്‍ വെളിപ്പെടുത്തി.
വീഡിയോയില്‍ ചുവന്നുതടിച്ച ശരീരഭാഗവും ഉര്‍ഫി പ്രദര്‍ശിപ്പിക്കുന്നു.