അല്ലു അർജുന്റെ ‘പുഷ്പ : ദ റൂള്‍’ എന്ന ചിത്രത്തിന്റെ ഷൂട്ടിംഗ് ലൊക്കേഷനിൽ നിന്നുള്ള ഫഹദ് ഫാസിലിന്റെ വീഡിയോ വൈറലാകുന്നു. നടൻ ബ്രഹ്മാജി തന്റെ ഫെയ്സ്ബുക്കിൽ പങ്കുവച്ച ഒരു വീഡിയോ ആണ് ആരാധകർ ഇപ്പോൾ ഏറ്റെടുത്തിരിക്കുന്നത്.
ബ്രഹ്മാജിയുടെ നായക്കുട്ടിയെ ഫഹദ് ലാളിക്കുന്നതാണ് വീഡിയോയിൽ ഉള്ളത്. കല്ലു എന്ന് പേര് വിളിക്കുന്നതും കേൾക്കാം. അതേസമയം, ചിത്രത്തില്‍ പ്രധാന കഥാപാത്രത്തെയാണ് ഫഹദ് അവതരിപ്പിക്കുന്നത്.
ഭന്‍വര്‍ സിംഗ് ഷെഖാവത്ത് എന്ന പൊലീസ് കഥാപാത്രമായാണ് ഫഹദ് ചിത്രത്തില്‍ വേഷമിടുന്നത്. അല്ലു അര്ജുന് മികച്ച നടനുള്ള ദേശീയ പുരസ്‌കാരം നേടി കൊടുത്ത പുഷ്പരാജ് എന്ന കഥപാത്രത്തിന്റെ രണ്ടാം വരവ് സിനിമാ ലോകം ഏറെ പ്രതീക്ഷയോടെ കാണുന്നത്.
2021ല്‍ പുറത്തിറങ്ങി പാന്‍ ഇന്ത്യന്‍ തലത്തില്‍ വിജയം നേടിയ അല്ലു അര്ജുന് ചിത്രം പുഷ്പയുടെ രണ്ടാം ഭാഗമായാണ് പുഷ്പ 2 ദ റൂള്‍ എത്തുന്നത്. പുഷ്പയിലെ മാസ് ഡയലോഗുകളും ഗാനങ്ങളും ഇന്ത്യയില്‍ ഉടനീളമുള്ള സിനിമാപ്രേമികള്‍ ആഘോഷമാക്കിയിരുന്നു.