രശ്മിക മന്ദാനയുടെ ‘ദ ഗേള്‍ഫ്രണ്ട്’ സിനിമയുടെ ടീസര്‍ പങ്കുവച്ച് നടന്‍ വിജയ് ദേവരകൊണ്ട. രശ്മികയും വിജയ്‌യും പ്രണയത്തിലാണെന്ന ഗോസിപ്പുകള്‍ പ്രചരിക്കുന്നിടെ ആയിരുന്നു വിജയ് ദേവരകൊണ്ട തന്റെ പുതിയ ചിത്രത്തിന്റെ ടീസര്‍ റിലീസ് ചെയ്യുമെന്ന് രശ്മിക ഇന്‍സ്റ്റഗ്രാമിലൂടെ പങ്കുവച്ചത്. ‘ബോയ്ഫ്രണ്ട് ഗേള്‍ഫ്രണ്ടിനെ അവതരിപ്പിക്കുന്നു’ എന്ന കമന്റുകളും ഇതിന് താഴെ എത്തിയിരുന്നു.
ടീസറിലെ ഓരോ രംഗവും ഇഷ്ടമായെന്നും സിനിമ കാണാനുള്ള ആവേശത്തിലാണെന്നും വിജയ് ദേവരകൊണ്ട ടീസര്‍ അവതരിപ്പിച്ചു കൊണ്ട് എക്സില് കുറിച്ചു. ”ഞങ്ങളില്‍ പല അഭിനേതാക്കള്‍ക്കും അവര്‍ ഭാഗ്യവതിയായിരുന്നു. ഞങ്ങളുടെ വലിയ വിജയങ്ങളുടെയും ഭാഗമായി. ഒരു അഭിനേതാവായും താരമായും വളര്‍ന്നു.”
”എന്നാല്‍ ഒരു വ്യക്തിയെന്ന നിലയില്‍ ഞാന്‍ സിനിമാ സെറ്റില്‍ 8 വര്‍ഷം മുമ്പ് കണ്ട അതേ പെണ്‍കുട്ടിയായി തുടരുന്നു” എന്നാണ് രശ്മികയെ കുറിച്ച് നടന്‍ എക്സില് കുറിച്ചത്. സിനിമക്ക് വിജയാശംസകള്‍ നേര്‍ന്നാണ് നടന്‍ പോസ്റ്റ് അവസാനിപ്പിച്ചത്. അതേസമയം, രശ്മികയുടെതായി പുറത്തിറങ്ങിയ ‘പുഷ്പ 2’ കാണാനായി നടി വിജയ് ദേവരകൊണ്ടയുടെ കുടുംബത്തിനൊപ്പം എത്തിയിരുന്നു.
Launching #TheGirlfriendteaser to the world :)https://t.co/45kCAMAJqV
I love every visual of this teaser.
I am so excited to see this drama unfold.She has been a lucky charm for so many of us actors, being part of our biggest successes. Growing fiercely as an actor, a…
— Vijay Deverakonda (@TheDeverakonda) December 9, 2024
വിജയ് ദേവരകൊണ്ടയുടെ അമ്മ ദേവരകൊണ്ട മാധവി, സഹോദരന്‍ ആനന്ദ് ദേവരകൊണ്ട എന്നിവര്‍ക്കൊപ്പമാണ് രശ്മിക സിനിമ കാണാനെത്തിയത്. എന്നാല്‍, വിജയ് ദേവരകൊണ്ട ഇവര്‍ക്കൊപ്പം ഉണ്ടായിരുന്നില്ല. വിജയ്‌യും രശ്മികയും അടുത്ത് തന്നെ വിവാഹിതരാകുമെന്ന വാര്‍ത്തകളും അടുത്തിടെ പ്രചരിച്ചിരുന്നു. എന്നാല്‍ താരങ്ങള്‍ പ്രതികരിച്ചിട്ടില്ല.
Read more
