തങ്കലാനിലെ വിക്രമിന്റെ അമ്പരപ്പിക്കുന്ന പ്രകടനത്തിനായി കാത്തിരിക്കുകയാണ് ആരാധകര്‍. അതിനിടയിലാണ് അവരെ ഒന്നടങ്കും വിഷമത്തിലാഴ്ത്തിക്കൊണ്ട് റിഹേഴ്‌സല്‍ സമയത്ത് നടന് പരിക്ക് പറ്റിയ വാര്‍ത്ത പുറത്തുവരുന്നത്. ഇപ്പോഴിതാ സോഷ്യല്‍ മീഡിയയില്‍ സുഖ വിവരമന്വേഷിച്ച് എത്തിയവര്‍ക്ക് മറുപടി നല്‍കിയിരിക്കുകയാണ് നടന്.
താരത്തിന്റെ വീട്ടിന്റെ പുറത്ത് വന്ന് ആരോഗ്യം വീണ്ടെടുക്കാന്‍ സന്ദേശം അയച്ച ശിവ എന്ന ആരാധകനോടാണ് ചിയാന്‍ മറുപടി നല്‍കിയത്. ‘ഒരുപാട് നന്ദി ശിവ, നിങ്ങളുടെയെല്ലാവരുടെയും പിന്തുണയേക്കാള്‍ വലുതായി എന്താണ് എനിക്കു വേണ്ടത്. ഞാന്‍ വരും’, എന്നായിരുന്നു വിക്രമിന്റെ മറുപടി.
നിലവില്‍ 30 ദിവസത്തെ വിശ്രമത്തിലാണ് വിക്രം. ആക്ഷന്‍ രംഗങ്ങള്‍ പരിശീലിക്കുന്നതിനിടെ വാരിയെല്ലിനായിരുന്നു ഒടിവ് സംഭവിച്ചത്. ഒരു പിരീഡ് ഡ്രാമ ചിത്രമാണ് തങ്കലാന്‍. പത്തൊമ്പതാം നൂറ്റാണ്ടില്‍ ബ്രിട്ടീഷ് കാലഘട്ടത്തില്‍ കെജിഎഫില്‍ നടന്ന ഒരു സംഭവത്തെ ആധാരമാക്കിയാണ് ചിത്രം ഒരുങ്ങുന്നത്.
ഹോളിവുഡ് ചിത്രം ‘അപ്പോകലിപ്‌റ്റോ’യെ അനുസ്മരിപ്പിക്കും വിധമായിരുന്നു പുറത്തുവന്ന മേക്കിംഗ് വീഡിയോ. അന്‍പ് അറിവ് ആണ് ആക്ഷന്‍ കൊറിയോഗ്രഫി.