ബോക്‌സ് ഓഫീസില്‍ വന്‍ നേട്ടം കൊയ്യുകയാണ് ‘ലിയോ’. ഗംഭീര ഓപ്പണിംഗ് കളക്ഷന്‍ നേടി ഇപ്പോള്‍ 250 കോടി ക്ലബ്ബില്‍ കയറിയിരിക്കുകയാണ് ചിത്രം. എങ്കിലും സോഷ്യല്‍ മീഡിയയില്‍ സമ്മിശ്ര പ്രതികരണമാണ് പലരും സിനിമയെ കുറിച്ച് പറയുന്നത്. എന്നാല്‍ സിനിമയ്‌ക്കെതിരെ നടക്കുന്ന ചര്‍ച്ചകളോടൊന്നും ലോകേഷ് കനകരാജ് പ്രതികരിച്ചിരുന്നില്ല.
സിനിമയെ കുറിച്ചുളള റിവ്യൂകളില്‍ പ്രതികരിച്ചിരിക്കുകയാണ് ലോകേഷ്. നെറ്റ്വര്‍ക്ക് കവറേജ് ഇല്ലാത്ത സ്ഥലത്തായിരുന്നു താനെന്നും ചിത്രത്തെ കുറിച്ചുള്ള പ്രേക്ഷകരുടെ അഭിപ്രായം അറിയാന്‍ കുറച്ച് ദിവസങ്ങള്‍ കൂടി കാത്തിരിക്കുകയാണെന്നും ലോകേഷ് കനകരാജ് പറഞ്ഞു.
പ്രേക്ഷകരുടെ അഭിപ്രായങ്ങള്‍ ശ്രദ്ധാപൂര്‍വ്വം വിലയിരുത്തുകയും തന്റെ അടുത്ത പ്രോജക്റ്റില്‍ അവ പരിഗണിക്കുകയും ചെയ്യുമെന്ന് ലോകേഷ് ഒരു മാധ്യമത്തോട് സംസാരിക്കവെ പറഞ്ഞു. തലൈവര്‍ 171 എന്ന അടുത്ത ചിത്രം 2024 മാര്‍ച്ചിലോ ഏപ്രിലിലോ തിയേറ്ററുകളിലെത്തുമെന്നും ലോകേഷ് അറിയിച്ചു.
Read more
രജനികാന്തിന്റെ അവസാനത്തെ സിനിമ എന്ന വിശേഷണത്തോടെയാണ് തലൈവര്‍ 171 എത്താനൊരുങ്ങുന്നത്. സംവിധായകന്‍ മിഷ്‌കിന്‍ ആണ് ഒരു അഭിമുഖത്തിനിടെ ലോകേഷിനൊപ്പമുള്ള തലൈവരുടെ ചിത്രത്തെ കുറിച്ച് പറഞ്ഞത്. ഇത് രജനികാന്തിന്റെ കരിയറിലെ അവസാനത്തെ സിനിമയാകും എന്നായിരുന്നു മിഷ്‌കിന്‍ പറഞ്ഞത്.
