അഡ്വാൻസ് വാങ്ങിയ ശേഷം തമിഴ് നടൻ യോഗി ബാബു ഷൂട്ടിന് വരുന്നില്ലെന്ന് പരാതി. അഡ്വാൻസ് തുക വാങ്ങിയ ശേഷം യോഗി ഷൂട്ടിന് വരുന്നില്ലെന്ന പരാതിയുമായി റൂബി ഫിലിം നിർമാണ കമ്പനി ഉടമയും നിർമാതാവുമായ ഹസി ആണ് യോഗിക്കെതിരെ പരാതി നൽകിയത്.
ജാക്ക് ഡാനിയേൽ എന്ന പുതിയ ചിത്രത്തിനായി 65 ലക്ഷം രൂപയാണ് യോഗി ബാബുവിന് പ്രതിഫലമായി നൽകാനിരുന്നത്. ഇതിൽ 20 ലക്ഷത്തിന്റെ ചെക്ക് അഡ്വാൻസായി നൽകുകയും ചെയ്തിരുന്നു. എന്നാൽ ചിത്രീകരണം തുടങ്ങിയ ശേഷം യോഗി ബാബു ഷൂട്ടിന് വരാതെ വഞ്ചിക്കുകയാണെന്നാണ് ഉടമയുടെ ആരോപണം.
വിരുമ്പാകം പോലീസ് സ്റ്റേഷനിൽ ഇതുമായി ബന്ധപ്പെട്ട് പരാതി നൽകിയതായാണ് തമിഴ് മാധ്യമങ്ങൾ റിപ്പോർട്ട് ചെയ്യുന്നത്. തമിഴ് സിനിമകളിലെ നിറസാന്നിധ്യമാണ് യോഗി ബാബു.
നിരവധി ചിത്രങ്ങളില്‍ ഹാസ്യതാരമായി തിളങ്ങിയ യോഗി ബാബുവിന്റെ ഏറ്റവും ഒടുവിൽ റിലീസ് ചെയ്ത ചിത്രം രജനികാന്തിന്റെ ജയിലറാണ്. അറ്റ്ലി സംവിധാനം ചെയ്യുന്ന ബോളിവുഡ് ജവാനിലും യോഗി അഭിനയിക്കുന്നുണ്ട്.