Connect with us

FILM DEBATE

കാലാപാനിയുടെ പത്ത് പരാജയ കാരണങ്ങള്‍, ഒരു അവലോകനം

, 1:12 pm

നമ്പു നാരായണന്‍, സിനിമാ പാരഡീസോ ക്ലബ്

കാലാപാനി വന്‍ പ്രതീക്ഷയോടെ ഹൈ ബഡ്ജറ്റില്‍ എത്തിയ പടമാണ്. അമിതാഭ് ബച്ചനാണ് ചിത്രത്തിന്റെ വിതരണം എടുത്തത്. 1996 വിഷു റിലീസ് ആയിരുന്നു ചിത്രം.

1995 വിഷുവിനു ‘സ്പടികം’ എന്ന സിനിമയുടെ വന്‍ വിജയം ഈ വിഷുവിനും ആവര്‍ത്തിക്കും എന്ന പ്രതീക്ഷയിലായിരുന്നു എല്ലാവരും. പ്രിയദര്‍ശന്റെ രണ്ടുവര്‍ഷത്തെ പ്രയത്‌നം. രണ്ടുവര്‍ഷത്തെ ഇടവേളക്കുശേഷം എത്തുന്ന പ്രിയന്‍-മോഹന്‍ലാല്‍ സിനിമ. അണിയറയില്‍ അമിതാഭ് ബച്ചന്‍, ഇളയരാജ, പ്രഭു. സന്തോഷ് ശിവന്റെ ഛായാഗ്രഹണം, ദാമോദരന്‍ മാഷിന്റെ തിരക്കഥ, മോഹന്‍ലാലിന്റെ നിര്‍മാണം, അങ്ങനെ വലിയ പേരുകള്‍.
എന്നിട്ടും സിനിമ പരാജയമായി.

അതിനു കാരണമായ ചിലതു ഇവിടെ പങ്കുവെക്കുകയാണ്.

1. കാലാപാനിയിലെ വയലന്‍സുകള്‍ അന്നത്തെ ആള്‍ക്കാര്‍ക്ക് ദഹിക്കാനാകുമായിരുന്നില്ല. ക്രൂരമായ സീനുകള്‍ കുറെയുണ്ടായിരുന്നു. അതാണ് ചിത്രത്തിന്റെ പരാജയമായി എടുത്തുകാണിക്കപ്പെട്ടതു. കുടുംബ പ്രേക്ഷകര്‍ ചിത്രത്തെ പാടെ തള്ളി.

2. കലാപാനിയുടെ ഒപ്പം തന്നെ ഇറങ്ങിയ മമ്മൂട്ടി ചിത്രം വന്‍ സ്വീകാര്യത നേടി ആ കൊല്ലത്തെ ബ്ലോക്ക്ബസ്റ്റര്‍ ആയി. സിദ്ദിഖിന്റെ തമാശ കലര്‍ന്ന രചനയില്‍, മാധവന്‍കുട്ടി ആയി മമ്മൂട്ടി നിറഞ്ഞാടിയ സിനിമ കുടുംബപ്രേക്ഷകര്‍ ഇരുകൈയുംനീട്ടി സ്വീകരിച്ചു. ആ ചിത്രത്തിന്റെ പേര് – ‘ഹിറ്റ്‌ലര്‍’.

3. കലാപാനിയുടെ കൂടെ തീയേറ്ററുകളില്‍ ഉണ്ടായിരുന്ന ഒരു ചിത്രം സ്ലീപ്പര്‍ ഹിറ്റ് ആയിമാറി. അമിത പ്രതീക്ഷകളുടെ ഭാരമില്ലാതെ എത്തിയ ഈ ചിത്രം കുടുംബ പ്രേക്ഷകരെ സ്വാധീനിച്ചു. ജോണ്‍സന്‍ മാസ്റ്ററുടെ മാസ്മര സംഗീതവും, അഭിനേതാക്കളുടെ മിന്നുന്ന പ്രകടനവും ലോഹിതദാസിന്റെ ഹൃദയഹാരിയായ രചനയും കൂടി ചേര്‍ന്നപ്പോള്‍ സിനിമയും സൂപ്പര്‍ഹിറ് ആയി. ആ ചിത്രത്തിന്റെ പേര് – ‘സല്ലാപം’

4. കലാപാനിയുടെ ബഡ്ജറ്റ് അന്നത്തെ കാലത്തിനു താങ്ങാവുന്നതിനും അപ്പുറമായിരുന്നു. 450 തീയറ്ററുകളില്‍ റിലീസ് ചെയ്ത കാലാപാനി നിരൂപക പ്രശംസ ഏറ്റ്വാങ്ങിയെങ്കിലും പ്രേക്ഷപപ്രീതി നേടുന്നതില്‍ പരാജയമായി.

5. ഇളയരാജയുടെ സംഗീതവും ബീജിയം സ്‌കോറും കൊണ്ടു മിന്നിനിന്ന പടത്തിന്റെ ഡ്യുറേഷന്‍ മൂന്നു മണിക്കൂറായിരുന്നു. സിനിമയുടെ യഥാര്‍ത്ഥ പ്ലോട്ടിലേക്ക് എത്തിച്ചേരാന്‍ അല്‍പ്പം സമയമെടുത്തുപോയി എന്നതാണ് കേട്ട മറ്റൊരു ആരോപണം. സിനിമയുടെ സംഗീതം ആദ്യം ഏ.ആര്‍ റഹ്മാന്‍ ആയിരുന്നു ചെയ്യാനിരുന്നത്. ചില കാരണങ്ങള്‍ മൂലം ഒഴിഞ്ഞുപോവുകയായിരുന്നു.

6. ആ വിഷുകാലത്ത് കാലാപാനിയോടൊപ്പം റിലീസ് ആയ മറ്റൊരു ചിത്രവും വന്നു. ജയറാം ആ കാലത്തേ കുടുംബ പ്രേക്ഷകരുടെ കണ്ണിലുണ്ണി ആയിരുന്നു. ജയറാം – രാജസേനന്‍ അന്നത്തെ ഹിറ്റ് ജോഡിയും. സ്വാഭാവികമായും ആ സിനിമയ്ക്കു നല്ല ഇനിഷ്യല്‍ ലഭിക്കുകയും ചെയ്തു. വലിയൊരു വിജയമായില്ലെങ്കില്‍ പോലും ആ സിനിമ കുടുംബപ്രേക്ഷകരുടെ സ്വീകാര്യതയില്‍ സാമാന്യ വിജയം നേടി എന്നതും കലാപാനിക്ക് തിരിച്ചടിയായി.
ആ ചിത്രത്തിന്റെ പേര് – ‘സ്വപ്നലോകത്തെ ബാലഭാസ്‌കരന്‍’

7. സിനിമയുടെ പോസ്റ്ററുകളില്‍ മോഹന്‍ലാല്‍ അമ്പറീഷ് പുരിയുടെ ഷൂസ് നക്കുന്ന സീനൊക്കെ ഉള്‍പ്പെടുത്തിയിരുന്നു. സിനിമ എന്തോ ഒത്തിരി വയലന്‍സുള്ള പടമാണെന്ന് ഒരു ധാരണ അതുണ്ടാക്കി എന്നുതോന്നുന്നു.

8. കുട്ടികളോടൊപ്പം കാണാന്‍ സാധിക്കാത്ത സിനിമയാണ് എന്നൊരു പ്രചാരണം സിനിമയിറങ്ങിയപ്പോള്‍ പരന്നിരുന്നു.

9. പ്രതീക്ഷയും, ബഡ്ജറ്റും, അതുപോലെ സിനിമയുടെ അവസാനം മോഹന്‍ലാല്‍ തൂക്കിലേറ്റപ്പെടുന്നതും ഒക്കെ കാരണങ്ങളാണ്. അതുപോലെ ആ കാലത്തു മോഹന്‍ലാലിന് തൊണ്ടയില്‍ കാന്‍സര്‍ ആണെന്നും, ശബ്ദം പോയെന്നുമൊക്കെയുള്ള കുപ്രചരണങ്ങള്‍ ഒക്കെയുണ്ടാവുകയും ചെയ്തു.

10. കാലാപാനിക്ക് ആ കൊല്ലത്തെ കേരളം സംസ്ഥാന പുരസ്‌കാര സമിതിയില്‍ നിന്നും തിരിച്ചടി കിട്ടി. മികച്ച രണ്ടാമത്തെ സിനിമക്കുള്ള പുരസ്‌കാരമാണ് ലഭിച്ചത്. അന്ന് ജൂറിയിലുണ്ടായിരുന്ന നടി ‘സീമാ ശശി’ പറഞ്ഞത് ജൂറി ചെയര്‍മാന്‍ വി.ആര്‍. ഗോപിനാഥിന്റെ കടുംപിടുത്തം ഒന്നുകൊണ്ട് മാത്രമാണ് ബാക്കിയെല്ലാവരും അംഗീകരിച്ച കലാപാനിയെ മാറ്റി ‘കഴകം’ എന്ന സിനിമ മികച്ച ചിത്രമായത്. അന്ന് നിലനിന്നിരുന്ന സോ-കോള്‍ഡ് ‘പാരലല്‍ സിനിമയുടെ’ വക്താവായിരുന്നു അദ്ദേഹം.

തീര്‍ച്ചയായും കാലാപാനി മലയാളം സിനിമയുടെ അഭിമാനമുയര്‍ത്തുന്ന ചിത്രമാണ്. കോപ്പിയടി സംവിധായകന്‍ എന്ന് തന്നെ വിളിച്ചവരെയൊക്കെ ‘കണ്ടം വഴി ഓടിപ്പിച്ച’ പ്രിയദര്‍ശന്റെ അപാര ക്രാഫ്റ്റ് വര്‍ക്ക്. പക്ഷെ അന്നത്തെ പ്രേക്ഷകരെ കുറ്റം പറയാനാകില്ല, അന്നൊക്കെ കുടുംബമായി സിനിമക്ക് പോവുക എന്ന കോണ്‍സെപ്‌റ് ആയിരുന്നു കൂടുതല്‍. അതിനാല്‍ അവര്‍ ഇഷ്ടപ്പെട്ടിരുന്ന ചിത്രങ്ങളും അത്തരത്തില്‍ ആയിരുന്നു.

വാല്‍കഷ്ണം: ഞാനിപ്പോളും ഓര്‍ക്കുന്നുണ്ട്. അന്നൊക്കെ വീട്ടില്‍നിന്നും ഓണം, വിഷു, ക്രിസ്തുമസ്, പിന്നെ നാട്ടില്‍ പോകുന്ന വേനലവധിക്കും- ഈ സമയങ്ങളിലെ തീയറ്ററില്‍ പോയി സിനിമ കാണുന്ന പരിപാടിയൊള്ളു.

അതുകൊണ്ടുതന്നെ ഏതു സിനിമ കാണണം എന്നൊക്കെ ഒരുപാട് ആലോചിച്ചിട്ടേ പോകാറുള്ളൂ. അന്ന് റിവ്യൂ ഒന്നുമില്ലല്ലോ. അങ്ങനെ ഒരുപാട് ആലോചിച്ചു ആ കാലത്തേ വിഷുവിനു ഞങ്ങളൊരു സിനിമക്ക് പോയി. കാലാപാനിയും, ഹിറ്റ്‌ലറും, സല്ലാപവും, സ്വപ്നലോകത്തെ ബാലഭാസ്‌കരനും, ഒക്കെ ഒഴിവാക്കിയാണ് അന്ന് ഞങ്ങള്‍ ഈ ചിത്രത്തിന് പോയത്.

കോഴിക്കോട് ബ്ലൂഡയമണ്ടിലാണോ കൈരളിയിലാണോ എന്ന് ഓര്‍ക്കാനാകുന്നില്ല. ‘ഭരതന്‍’ എന്ന സംവിധായകനോടുള്ള ഇഷ്ടവും, അരവിന്ദ്‌സ്വാമി -ശ്രീദേവി എന്നിവരോടുള്ള പ്രതീക്ഷയും ഒക്കെ ആയിരിക്കണം അന്ന് എല്ലാവരും ആ സിനിമ കാണാന്‍ കാരണം. എന്തായാലും അതൊരു വന്‍ ദുരന്തം ആയിപോയി. ഇപ്പോളും ആ സിനിമ സ്‌ക്രീനില്‍ കണ്ടു ബോറടിച്ചത് ഞാനോര്‍ക്കുന്നുണ്ട്. ഇന്നത്തെ ഭാഷയില്‍ പറഞ്ഞാല്‍ അതൊരു ‘അടപടലം’ ആയിരുന്നു. ആ ചിത്രത്തിന്റെ പേര് – ‘ദേവരാഗം’..????

കടപ്പാട് നാരായണന്‍ നമ്പു
സിനിമാ പാരഡീസോ ക്ലബ്

Don’t Miss

FOOTBALL8 hours ago

അവസരങ്ങള്‍ നിരവധി തുലച്ചു; ജയിക്കണമെങ്കില്‍ ഗോളടിക്കണം: ബ്ലാസ്‌റ്റേഴ്‌സ് സൂപ്പര്‍ താരം

ചെന്നൈയിന്‍ എഫ്‌സിക്കെതിരായ മത്സരത്തില്‍ നിരവധി അവസരങ്ങള്‍ ലഭിച്ചെന്നും അതൊന്നും ഗോളാക്കാന്‍ സാധിക്കാതിരുന്നതാണ് നിര്‍ണായകമാതെന്ന് ബ്ലാസ്‌റ്റേഴ്‌സ് താരം ഗുഡ്യോണ്‍ ബാള്‍ഡ്വിന്‍സണ്‍. മത്സരത്തിന് ശേഷം സംസാരിക്കുകയായിരുന്നു ഐസ്ലാന്‍ഡ് താരം. കടുപ്പമേറിയ...

KERALA8 hours ago

കരസേനാ മേധാവിയുടെ പ്രസ്താവന; സൈന്യത്തിലെ രാഷ്ട്രീയവത്കരണത്തിന്റെ അപകടകരമായ സൂചനയെന്ന് ഇ.ടി

ബി.ജെ.പി വളര്‍ന്നതിനേക്കാള്‍ വേഗത്തിലാണ് അസമില്‍ മൗലാന ബദ്‌റുദ്ദീന്‍ അജ്മല്‍ നയിക്കുന്ന ഓള്‍ ഇന്ത്യ യുനൈറ്റഡ് ഡെമോക്രാറ്റിക് ഫ്രണ്ട് വളരുന്നതെന്നും ഇത് അവിടുത്തെ ജനസംഖ്യ ഘടനക്ക് ഭീഷണിയാണെന്നുമുള്ള കരസേന...

STORY PLUS8 hours ago

തത്സമയ റേഡിയോ സംപ്രേക്ഷണത്തിനിടയില്‍ കുഞ്ഞിന് ജന്മം നല്‍കി അവതാരക; ശ്രോതാക്കളുടെ വക ഉഗ്രന്‍ സമ്മാനം

തത്സമയം റേഡിയോ സംപ്രേക്ഷണം നടത്തുന്നതിനിടയില്‍ കുഞ്ഞിന് ജന്മം നല്‍കി അവതാരക. അമേരിക്കയിലെ സെന്റ് ലൂയിസിലെ ദ ആര്‍ച്ച് സ്റ്റേഷനിലെ റേഡിയോ അവതാരക കാസിഡെ പ്രോക്ടറാണ് റേഡിയെ സ്റ്റേഷനില്‍...

FOOTBALL8 hours ago

കപ്പടിക്കണം കലിപ്പടക്കം എന്ന നാടകത്തിന് ശേഷം കേരള ബ്ലാസ്റ്റേഴ്‌സ് അവതരിപ്പിക്കുന്നു അടുത്ത വര്‍ഷം വീണ്ടും തിരിച്ചുവരും

ചെന്നൈയിന്‍ എഫ്‌സിയോട് സമനില വഴങ്ങി ഐഎസ്എല്‍ സെമി പ്ലേ ഓഫ് സാധ്യതകള്‍ അസ്തമിച്ച കേരള ബ്ലാസ്റ്റേഴ്‌സിനെതിരേ പൊങ്കാലയിട്ട് ട്രോളന്‍മാര്‍. മത്സരത്തില്‍ നിര്‍ണായകമായി ലഭിച്ച പെനാല്‍റ്റി നഷ്ടപ്പെടുത്തിയ പെക്കൂസണെതിരേയാണ്...

FOOTBALL9 hours ago

കൊമ്പന്മാര്‍ക്ക് കൊമ്പ് പോയതില്‍ നിര്‍ണായകമായത് ഈ നിമിഷം-വീഡിയോ കാണാം

മത്സരത്തിന്റെ 52ാം മിനുട്ടില്‍ അനുകൂലമായി ലഭിച്ച പെനാല്‍റ്റി ബ്ലാസ്റ്റേഴ്‌സിന് മുതലാക്കാന്‍ സാധിക്കാത്തത് മത്സരത്തില്‍ നിര്‍ണായകമായി. ബ്ലാസ്റ്റേഴ്‌സിന്റെ മധ്യനിര താരം പെക്കൂസണ്‍ എടുത്ത പെനാല്‍റ്റി കരണ്‍ജിത്ത് സിങ്ങ് കിടിലന്‍...

FOOTBALL9 hours ago

സമനില വഴങ്ങിയെങ്കിലും ബ്ലാസ്‌റ്റേഴ്‌സ് ആരാധകര്‍ക്കൊരു സന്തോഷ വാര്‍ത്ത

ചെന്നൈയിന്‍ എഫ്‌സിയോട് സ്വന്തം മണ്ണില്‍ സമനില നേടിയതോടെ ഈ സീസണിലെ സെമി പ്ലേ ഓഫ് സാധ്യതകള്‍ അവസാനിച്ച കേരള ബ്ലാസ്റ്റേഴ്‌സിന് ഒരു സന്തോഷ വാര്‍ത്ത. മത്സരത്തിലെ എമര്‍ജിങ്...

KERALA9 hours ago

സിപിഐ മന്ത്രിമാര്‍ തിരുമണ്ടന്മാരാണെന്ന് സിപിഐഎം സംസ്ഥാന സമ്മേളനത്തിന്റെ പൊതു ചര്‍ച്ചയില്‍ വിമര്‍ശനം

സിപിഐഎം സംസ്ഥാന സമ്മേളനത്തില്‍ സിപിഐ മന്ത്രിമാര്‍ക്കെതിരെ രൂക്ഷ വിമര്‍ശനം. സിപിഐ മന്ത്രിമാര്‍ തിരുമണ്ടന്മാരാണെന്ന് സിപിഐഎം സംസ്ഥാന സമ്മേളനത്തിന്റെ പൊതു ചര്‍ച്ചയില്‍ വിമര്‍ശനം. കോണ്‍ഗ്രസ് സഹകരണമെന്ന യെച്ചൂരി ലൈന്‍...

TECH UPDATES9 hours ago

‘സെക്കന്‍ഡില്‍ 3 ജിബി സ്പീഡ്’; ഇന്ത്യയിലെ ആദ്യ 5ജി സേവനം വിജയകരമായി പൂര്‍ത്തീകരിച്ച് എയര്‍ടെല്‍

ഇന്ത്യയിലെ ആദ്യ 5ജി സേവനം വിജയകരമായി പൂര്‍ത്തീകരിച്ച് എയര്‍ടെല്‍. സെക്കന്‍ഡില്‍ 3 ജിബി സ്പീഡാണ് ടെസ്റ്റിലൂടെ സാധ്യമായത്. ചൈനീസ്  കമ്പനിയായ ഹുവാവെയുമായി ചേര്‍ന്ന് ഹരിയാനയിലെ ഗുരുഗ്രാം ജില്ലയിലാണ്...

FOOTBALL9 hours ago

ചെന്നൈയിന്‍ പോസ്റ്റില്‍ കരണ്‍ജിത്ത് വലകെട്ടി: ബ്ലാസ്റ്റേഴ്‌സിന് പുറത്തേക്കുള്ള വഴിയും

കേരള ബ്ലാസ്റ്റേഴ്‌സ്-ചെന്നൈയിന്‍ എഫ്‌സി മത്സരത്തില്‍ മിന്നും താരമായത് ചെന്നൈയിന്‍ ഗോളി കരണ്‍ ജിത്ത്. കേരള ബ്ലാസ്‌റ്റേഴ്‌സിന്റെ ഏഴ് ഓണ്‍ ടാര്‍ജറ്റ് ഷോട്ടുകള്‍ തട്ടിയകറ്റിയ കരണ്‍ജിത്ത് ബ്ലാസ്റ്റേഴ്‌സിന്റെ പ്ലേ...

KERALA9 hours ago

‘ആള്‍ക്കൂട്ടത്തിന്റെ ഇത്തരം പ്രവര്‍ത്തനങ്ങളുടെ സ്ഥലമല്ല കേരളം എന്ന് വിചാരിച്ചിരുന്ന കാലം മുമ്പുണ്ടായിരുന്നു’

അട്ടപ്പാടിയിലെ കടുകുമണ്ണ ഊരില്‍ ജനിച്ചു വളര്‍ന്ന്, തൊഴില്‍ ചെയ്തു ജീവിച്ച, എപ്പോഴോ ബോധം മറഞ്ഞു പോയ, ഒരിക്കലും ആരെയും നോവിക്കാതെ കഴിഞ്ഞു പോയ ഒരു ജീവന്‍. ഒറ്റ...