ദൃശ്യം-3 ഉടനുണ്ടാകുമോ എന്ന ആരാധകരുടെ ചോദ്യത്തിന് മറുപടിയുമായി നിര്‍മാതാവ് ആന്റണി പെരുമ്പാവൂര്‍. മഴവില്‍ മനോരമ നടത്തിയ മഴവില്‍ എന്റര്‍ടെയ്ന്‍മെന്റ് അവാര്‍ഡ്‌സ് 2022ലാണ് ദൃശ്യം-3 തീര്‍ച്ചയായും വരും, അതിന്റെ പണിപ്പുരയിലാണെന്ന് ആന്റണി പെരുമ്പാവൂര്‍ വ്യക്തമാക്കിയത്.
”’ദൃശ്യം 3 എന്തായാലും വരും. അതിന്റെ പണിപ്പുരയിലാണ്, ആശയങ്ങളും കാര്യങ്ങളുമൊക്കെയായിട്ടിരിക്കുന്നു.”-ആന്റണി പറഞ്ഞു. ടൊവിനോ തോമസിന്റെ ചോദ്യത്തിനാണ് ആന്റണി പെരുമ്പാവൂരിന്റെ മറുപടി.
ഇതോടെ ദൃശ്യം-3യുടെ ഫാന്‍ മെയ്ഡ് പോസ്റ്ററുകളടക്കം വലിയ തോതില്‍ സോഷ്യല്‍മീഡിയയില്‍ പ്രചരിക്കുന്നുണ്ട്.
കമല്‍ഹാസനെ നായകനാക്കി പാപനാസം എന്ന പേരില്‍ ജീത്തു ജോസഫ് ചിത്രം തമിഴിലേക്ക് റീമേക്ക് ചെയ്തിരുന്നു. ദൃശ്യം എന്ന പേരില്‍ തെലുങ്ക്, കന്നഡ, ഹിന്ദി ഭാഷകളിലും ഷീപ്പ് വിത്തൗട്ട് എ ഷെപ്പേര്‍ഡ് എന്ന പേരില്‍ ചൈനീസ് ഭാഷകളിലും ചിത്രം റീമേക്ക് ചെയ്തിരുന്നു.