അമലാ പോള്‍ പൂര്‍ണ്ണനഗ്നയായി പ്രത്യക്ഷപ്പെടുന്ന ആടൈയുടെ ടീസര്‍ നിമിഷനേരം കൊണ്ടാണ് ഓണ്‍ലൈനില്‍ വൈറലായത്. ടീസറില്‍ ഒരിടത്ത് ഒരു ഫോണ്‍ നമ്പര്‍ കാണിക്കുന്നുണ്ട്. അമല അവതരിപ്പിക്കുന്ന കഥാപാത്രത്തിന്റെ അമ്മയുടെ നമ്പറായാണ് ഇത് ഉപയോഗിക്കുന്നത്. ടീസര്‍ വൈറലായതിന് പിന്നാലെ നമ്പറിലേക്ക് തുടര്‍ച്ചയായി ഫോണ്‍ കോളുകള്‍ വരാന്‍തുടങ്ങി. നമ്പറിന്റെ ഉടമ സ്ത്രീയായിരിക്കും എന്ന കണക്കുകൂട്ടലിലായിരുന്നു ഇവര്‍.
എന്നാല്‍ യഥാര്‍ത്ഥത്തില്‍ നമ്പര്‍ ചിത്രത്തിന്റെ അണിയറപ്രവര്‍ത്തകരില്‍ ഒരാളായ വിശാല്‍ രവിയുടേതായിരുന്നു. കേരളത്തില്‍ നിന്നും തമിഴ്‌നാട്ടില്‍ നിന്നും ആന്ധ്രയില്‍ നിന്നുമൊക്കെ കോളുകളെത്തിയതോടെ അണിയറ പ്രവര്‍ത്തകര്‍ക്ക് സഹികെട്ടു. ഇത്തരക്കാര്‍ക്ക് നല്ലൊരു പണി തന്നെ കൊടുക്കാന്‍ അവര്‍ തീരുമാനിച്ചു.
തമിഴിലെ പ്രശസ്ത റേഡിയോ ആര്‍ ജെ ശല്യക്കാരെ വിളിച്ച്, തമിഴ്‌നാട്ടിലെ പൊലീസ് സ്റ്റേഷനില്‍ നിന്നാണ് വിളിക്കുന്നതെന്നും വീട്ടമ്മയുടെ പരാതിയെ തുടര്‍ന്ന് താങ്കള്‍ക്കെതിരെ കേസ് എടുത്തെന്നും പറഞ്ഞു. പലരും നിരുപാധികം മാപ്പു പറഞ്ഞു. വീട്ടില്‍ അറിഞ്ഞാല്‍ . അറിയാതെ ചെയ്തു പോയതാണെന്നും ഇനി സംഭവിക്കില്ലെന്നും പലരും സത്യം ചെയ്തു. എന്തായാലും ഈ സംഭവം സിനിമയിലും ട്രെയിലര്‍ വീഡിയോകളിലുമൊക്കെ കാണുന്ന ഫോണ്‍ നമ്പറുകളിലേക്ക് വിളിച്ച് ശല്യം ചെയ്യുന്നവര്‍ക്ക് ഒരു പാഠമായിരിക്കുകയാണ്.