ബിജു മേനോന്‍, പാര്‍വതി തിരുവോത്ത്, ഷറഫുദ്ദീന്‍ എന്നിവര്‍ കേന്ദ്ര കഥാപാത്രങ്ങളാകുന്ന “ആര്‍ക്കറിയാം” ചിത്രത്തിന്റെ ട്രെയ്‌ലര്‍ പുറത്ത്. സാനു ജോണ്‍ വര്‍ഗീസ് സംവിധാനം ചെയ്ത ചിത്രം ആഷിഖ് അബുവും സന്തോഷ് ടി. കുരുവിളയും ചേര്‍ന്നാണ് നിര്‍മ്മിക്കുന്നത്.
കോട്ടയത്തുകാരനായ റിട്ടയേര്‍ഡ് ഗണിത അധ്യാപകനായാണ് ബിജു മേനോന്‍ ചിത്രത്തില്‍ വേഷമിടുന്നത്. 73-കാരന്റെ ഗെറ്റപ്പില്‍ ഗംഭീര മേക്കോവറിലാണ് ബിജു മേനോന്‍ എത്തുന്നത്. ഷേര്‍ളി, റോയ് എന്നീ കഥാപാത്രങ്ങളായാണ് ഷറഫുദ്ദീനും വേഷമിടുന്നത്.
സാനു ജോണ്‍ വര്‍ഗീസും, രജേഷ് രവിയും, അരുണ്‍ ജനാര്‍ദ്ദനനും ചേര്‍ന്നാണ് ചിത്രത്തിന് തിരക്കഥ ഒരുക്കുന്നത്. മഹേഷ് നാരായണന്‍ എഡിറ്റിംഗും ജി. ശ്രീനിവാസ് റെഡ്ഡി ഛായാഗ്രഹണവും നിര്‍വ്വഹിക്കുന്നു. സഞ്ജയ് ദിവേച്ഛയാണ് പശ്ചാത്തല സംഗീതം. രതീഷ് ബാലകൃഷ്ണ-പൊതുവാള്‍ പ്രൊഡക്ഷന്‍ ഡിസൈനര്‍.
ആര്‍ട്ട് ഡയറക്ടര്‍-ജ്യോതിഷ് ശങ്കര്‍. സമീറ സനീഷ്-വസ്ത്രാലങ്കാരം. രഞ്ജിത്ത് അമ്പാടി-മേക്കപ്പ്, അരുണ്‍ സി തമ്പി, സന്ദീപ രക്ഷിത്-എക്സിക്യൂട്ടീവ് പ്രൊഡ്യൂസേഴ്‌സ്, ബെന്നി കട്ടപ്പന-പ്രൊഡക്ഷന്‍ കണ്‍ട്രോളര്‍, പരസ്യകല-ഓള്‍ഡ് മങ്ക്സ്. ഏപ്രില്‍ മൂന്നിന് ചിത്രം റിലീസ് ചെയ്യും.