ഷാരൂഖ് ഖാനെ നായകനാക്കി ബോളിവുഡ് ചിത്രമൊരുക്കാന്‍ ആഷിഖ് അബു. ശ്യാം പുഷ്‌കരനാണ് ചിത്രത്തിന് തിരക്കഥയൊരുക്കുന്നത്. ചിത്രത്തിന്റെ പ്രാഥമിക ചര്‍ച്ചകള്‍ക്കായി ഇരുവരും ഷാരൂഖുമായി അദ്ദേഹത്തിന്‍റെ വസതിയില്‍ കൂടിക്കാഴ്ച്ച നടത്തി.
മലയാളത്തില്‍ ചെയ്ത ചിത്രങ്ങളുടെ റീമേക്ക് ആയിരിക്കില്ല ഈ പ്രോജ്ക്ട് എന്നാണ് റിപ്പോര്‍ട്ട്. ഷാരൂഖിനൊപ്പം ആഷിഖും ശ്യാം പുഷ്‌കരനും നില്‍ക്കുന്ന ചിത്രം സോഷ്യല്‍ മീഡിയയില്‍ വൈറാലായിരിക്കുകയാണ്. ആഷിഖ് തന്നെയാണ് ചിത്രം സോഷ്യല്‍ മീഡിയയില്‍ പങ്കുവെച്ചത്. ചിത്രത്തെ കുറിച്ചുള്ള കൂടുതല്‍ വിവരങ്ങള്‍ ഉടന്‍ വെളിപ്പെടുത്തുമെന്നാണ് അറിയുന്നത്.
സീറോയാണ് ഷാരൂഖിന്റേതായി ഏറ്റവും ഒടുവില്‍ തിയേറ്ററുകളിലെത്തിയ ചിത്രം. ഏറെ പ്രതീക്ഷയോടെ തിയേറ്ററുകളിലെത്തിയ ചിത്രം ബോക്സ് ഓഫീസില്‍ വന്‍പരാജയമായിരുന്നു. സീറോയുടെ പരാജയം ഏറെ ഉലച്ച ഷാരൂഖ് അഭിനയത്തില്‍ നിന്ന് ഇടവേളയെടുത്തിരിക്കുകയാണ്.