രഞ്ജിത്ത് സംവിധാനം ചെയ്യുന്ന ആക്ഷന്‍ ചിത്രം തങ്കലാന്റെ റിഹേഴ്‌സലിനിടെ നടന് വിക്രമിന് പരിക്കേറ്റു. വാരിയെല്ലിനാണ് പരിക്കേറ്റിരിക്കുന്നത്. നടന് പൂര്‍ണ്ണ വിശ്രമം ഡോക്ടര്‍മാര്‍ നിര്‍ദ്ദേശിച്ചിട്ടുണ്ട്. ആരോഗ്യം വീണ്ടെടുത്ത് ഉടന്‍ തന്നെ തിരിച്ചെത്തുമെന്ന് നടന്റെ വക്താവ് മാധ്യമങ്ങളെ അറിയിച്ചിട്ടുണ്ട്.
നച്ചത്തിരം നഗര്‍കിറത് എന്ന ചിത്രത്തിന് ശേഷം പാ. രഞ്ജിത് തിരക്കഥയെഴുതി സംവിധാനം ചെയ്യുന്ന ചിത്രമാണ് തങ്കലാന്‍. കോലാര്‍ സ്വര്‍ണഖനിയുടെ പശ്ചാത്തലത്തിലാണ് ചിത്രം ഒരുക്കുന്നത്. പാര്‍വതി തിരുവോത്തും മാളവികാ മോഹനനുമാണ് നായികമാര്‍.
പശുപതി, ഹരികൃഷ്ണന്‍ അന്‍പുദുരൈ, പ്രീതി കരണ്‍, മുത്തുകുമാര്‍ തുടങ്ങിയവരാണ് ഈ സിനിമയിലെ മറ്റ് അഭിനേതാക്കള്‍. ചിത്രത്തിലെ വിക്രമിന്റെ ലുക്കും പ്രേക്ഷകരുടെ ഇടയില്‍ വലിയ ചര്‍ച്ചയായി മാറിയിരുന്നു.
Read more
പൊന്നിയിന്‍ സെല്‍വന്‍ 2 ആണ് ഏറ്റവും ഒടുവില്‍ പുറത്ത് ഇറങ്ങിയ ചിയാന്‍ വിക്രം സിനിമ. മികച്ച പ്രേക്ഷക സ്വീകാര്യത നേടിയ ഈ ചിത്രം തിയറ്ററുകളില്‍ പ്രദര്‍ശനം തുടരുകയാണ്.
