പ്രശസ്ത സിനിമ താരവും മിമിക്രി കലാകാരനുമായ കലാഭവൻ ഹനീഫ് അന്തരിച്ചു. 63 വയസായിരുന്നു. ശ്വാസതടസ്സത്തെ തുടർന്ന് എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിലിരിക്കെയാണ് മരണം.
മലയാളത്തിലെ ജനപ്രിയ സിനിമകളിലൂടെ കോമഡി കഥാപാത്രങ്ങളെ അവതരിപ്പിച്ച് പ്രശസ്തനാണ് കലാഭവൻ ഹനീഫ്. മിമിക്സ് പരേഡാണ് ആദ്യ ചിത്രം.
എറണാകുളം മട്ടാഞ്ചേരിയിൽ ഹംസയുടെയും സുബൈദയുടെയും മകനായാണ് ഹനീഫ് ജനിച്ചത്. സ്കൂൾ പഠന കാലത്തുതന്നെ മിമിക്രിയിൽ സജീവമായിരുന്നു. പിന്നീട് നാടക വേദികളിലും തന്റെ കഴിവ് തെളിയിച്ചു. നാടകത്തിലൂടെ തുടങ്ങിയ കലാജീവിതമാണ് ഹനീഫിനെ കലാഭവനിലും സിനിമയിലും കൊണ്ടെത്തിച്ചത്.
Read more
വെള്ളരിപ്രാവിന്റെ ചങ്ങാതി, ഈ പറക്കും തളിക, തുറുപ്പ് ഗുലാൻ, പാണ്ടിപ്പട, ദൃശ്യം, കട്ടപ്പനയിലെ ഹൃത്വിക് റോഷൻ തുടങ്ങീ നിരവധി ചിത്രങ്ങളിൽ ശ്രദ്ധേയമായ വേഷം ചെയ്തു. ഈ വർഷം പുറത്തിറങ്ങിയ ജലധാര പമ്പ്സെറ്റാണ് അവസാന ചിത്രം.
