നടന്‍ ബാല തന്നെ വിവാഹം ചെയ്യുന്നതിന് മുമ്പ് മറ്റൊരു വിവാഹം ചെയ്തിരുന്നതായി ഗായിക അമൃത സുരേഷ് വെളിപ്പെടുത്തിയിരുന്നു. ഈ വിഷയം ചര്‍ച്ചയായെങ്കിലും ബാല ഇതിനോട് പ്രതികരിച്ചിരുന്നില്ല. പിന്നാലെ അമ്മാവന്റെ മകളായ കോകിലയെ ബാല വിവാഹം ചെയ്തതോടെ, നടന്റെ നാലാം വിവാഹം എന്ന ചര്‍ച്ചകളും ഉയര്‍ന്നു വന്നു.
കന്നടക്കാരിയായ ചന്ദന സദാശിവ റെഡ്ഡി എന്ന പെണ്‍കുട്ടിയെ ബാല വിവാഹം ചെയ്തിരുന്നു. എന്നാല്‍ ഈ വിവാഹം രജിസ്റ്റര്‍ ചെയ്തിരുന്നില്ല എന്ന റിപ്പോര്‍ട്ടുകളും എത്തി. ഒടുവില്‍ ഈ വിഷയത്തില്‍ പ്രതികരിച്ചിരിക്കുകയാണ് ബാല. ഈ ആരോപണങ്ങളെല്ലാം പച്ചക്കള്ളമാണ് എന്നാണ് ബാല പറയുന്നത്.
താന്‍ നിയമപരമായി വിവാഹം കഴിക്കുന്ന രണ്ടാമത്തെയാളാണ് കോകില എന്നും നടന്‍ വ്യക്തമാക്കി. പച്ചക്കള്ളങ്ങളാണ് എന്നെ കുറിച്ച് പറയുന്നത്. ഞാന്‍ എന്താ നാല് കെട്ടിയവനോ? ഞാന്‍ നിയമപരമായി വിവാഹം കഴിച്ച രണ്ടാമത്തെ ആളാണ് കോകില. ഞാന്‍ പ്രണയിച്ച പെണ്‍കുട്ടിയും കോകിലയും തമ്മില്‍ സംസാരിച്ചിട്ടുണ്ട്.
ചന്ദന സദാശിവ റെഡ്ഡി, കന്നഡക്കാരിയാണെന്ന് പറയുന്നു. അവള്‍ എന്നെ വിളിച്ച് ചിരിക്കുകയായിരുന്നു. ഞങ്ങള്‍ പ്രണയിച്ചിരുന്നു. ആറാം ക്ലാസ് മുതല്‍ ഒന്നിച്ച് പഠിച്ചതാണ്. ഇക്കാര്യം ഞാന്‍ തന്നെ അവരോട് (അമൃത) പറഞ്ഞതാണ്. 21-ാം വയസില്‍ ചുമ്മാ ഒരു സര്‍ട്ടിഫിക്കറ്റിന് വേണ്ടി കല്യാണം കഴിച്ചു. ഇത് ഞാന്‍ തന്നെയാണ് പറഞ്ഞത്.
ആ വിവാഹം പിന്നീട് ക്യാന്‍സല്‍ ചെയ്തു. റെഡ്ഡി, റെഡ്ഡി എന്ന് പറയുന്നുണ്ടല്ലോ. റെഡ്ഡി എന്ന് പറഞ്ഞാല്‍ തെലുങ്ക് ആണ്. പിന്നെ എന്തിനാണ് കര്‍ണാടക എന്ന് പറയുന്നത്. ഈ വാര്‍ത്തകളൊക്കെ വന്നപ്പോള്‍ ഞങ്ങള്‍ ചിരിച്ചു. ചന്ദന എന്നെ വിളിച്ചിരുന്നു യുഎസില്‍ നിന്ന് എന്നാണ് ബാല പറയുന്നത്.