നടനും കോമഡി താരവുമായ ഉല്ലാസ് പന്തളം വീണ്ടും വിവാഹിതനായി. അരീക്കോട് ഗ്രാമപഞ്ചായത്ത് പ്രസിഡന്റായ ദിവ്യയാണ് വധു. സാലിഗ്രാം ഉമാമഹേശ്വര ക്ഷേത്രത്തിലായിരുന്നു വിവാഹം. അടുത്ത സുഹൃത്തുക്കളും ബന്ധുക്കളും മാത്രമാണ് വിവാഹത്തില്‍ പങ്കെടുത്തത്.
വിവാഹത്തിന്റെ ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലാവുന്നത്. ഉല്ലാസിന്റെ രണ്ടാം വിവാഹമാണിത്. 2022ല്‍ ആണ് ഉല്ലാസിന്റെ ആദ്യ ഭാര്യ ആശ ആത്മഹത്യ ചെയ്തത്. ആദ്യ വിവാഹത്തില്‍ ഇന്ദുജിത്ത്, സൂര്യജിത്ത് എന്നിങ്ങനെ രണ്ടു മക്കളുണ്ട്.
പന്തളം ബാലന്റെ ‘ഹാസ്യ’ എന്ന ട്രൂപ്പിലൂടെയാണ് ഉല്ലാസ് പ്രൊഫഷണല്‍ മിമിക്രിയിലേക്ക് എത്തിയത്. കോമഡി സ്റ്റാര്‍സ് എന്ന ടെലിവിഷന്‍ പ്രോഗ്രാമിലൂടെയാണ് ശ്രദ്ധ നേടുന്നത്. വിശുദ്ധ പുസ്തകം, കുട്ടനാടന്‍ മാര്‍പ്പാപ്പ, നാം, ചിന്ന ദാദ എന്നീ സിനിമകളിലും ഉല്ലാസ് പന്തളം ചെയ്തിട്ടുണ്ട്.