കോവിഡ് വാക്‌സിന്‍ സ്വീകരിച്ച് നടി നിത്യ ദാസ്. വാക്‌സിന്‍ എടുക്കുന്ന വീഡിയോ നടി സോഷ്യല്‍ മീഡിയയില്‍ പങ്കുവച്ചു. കോഴിക്കോട് ബേബി മെമ്മോറിയല്‍ ആശുപത്രിയില്‍ വച്ചാണ് നിത്യ വാക്‌സിന്‍ സ്വീകരിച്ചത്. അല്‍പം പേടിയോടെയാണ് നടി വാക്‌സിന്‍ സ്വീകരിക്കാന്‍ ഇരിക്കുന്നത്.
രസകരമായ കമന്റുകളാണ് വീഡിയോയ്ക്ക് ലഭിക്കുന്നത്. എന്തിനാണ് ഇങ്ങനെ പേടിക്കുന്നതെന്നും ധൈര്യമായി ഇരിക്കൂ എന്നും ആരാധകര്‍ കമന്റ് ചെയ്യുന്നു. ആ നിലവിളി ശബ്ദം ഇടൂ, കരയണ്ട ഉറുമ്പ് കടിക്കുന്ന വേദനയുള്ളു എന്നിങ്ങനെ രസകരമായ കമന്റുകളും വീഡിയോക്ക് ലഭിക്കുന്നുണ്ട്.
ഈ പറക്കും തളിക എന്ന ചിത്രത്തിലൂടെ മലയാള സിനിമയിലേക്ക് എത്തിയ താരമാണ് നിത്യ ദാസ്. നരിമാന്‍, കുഞ്ഞിക്കൂനന്‍, ബാലേട്ടന്‍, സൂര്യ കിരീടം തുടങ്ങി നിരവധി ഹിറ്റ് സിനിമകളുടെ ഭാഗമായിട്ടുണ്ട്. പൊന്‍ മേഖലൈ, മാനത്തോടു മഴൈകാലം എന്നീ തമിഴ് ചിത്രങ്ങളിലും അഭിനയിച്ചിട്ടുണ്ട്.
വിവാഹശേഷം മിനി സ്‌ക്രീനില്‍ സജീവമാണ് താരം. 2007 ലായിരുന്നു നിത്യയുടെ വിവാഹം. അരവിന്ദ് സിങ് ജംവാള്‍ ആണ് ഭര്‍ത്താവ്. ഇരുവരുടെയും പ്രണയ വിവാഹമായിരുന്നു. നൈന ജംവാളുമാണ് നമന്‍ സിങ് ജംവാളുമാണ് മക്കള്‍.