വിക്രത്തിന്റെ മകന്‍ ധ്രുവ് വിക്രത്തിന്റെ ആദ്യ ചിത്രം “ആദിത്യ വര്‍മ”യുടെ ട്രെയിലര്‍ പുറത്ത്. വിജയ് ദേവരകൊണ്ട നായകനായെത്തിയ “അര്‍ജുന്‍ റെഡ്ഡി”യുടെ തമിഴ് റീമേക്കാണ് ആദിത്യ വര്‍മ. മികച്ച പ്രകടനമാണ് ട്രെയ്‌ലറില്‍ ധ്രുവ് കാഴ്ചവച്ചിരിക്കുന്നത്.
ഗിരീസായ ഒരുക്കുന്ന ചിത്രത്തില്‍ “ഒക്ടോബര്‍” എന്ന ചിത്രത്തിലൂടെ ശ്രദ്ധേയായ പ്രിയ ആനന്ദ് ആണ് നായികയായി എത്തുന്നത്. പ്രിയ ആനന്ദ്, ഭഗവതി പെരുമാള്‍, അന്‍പു ദാസന്‍ എന്നിവരും കേന്ദ്ര കഥാപാത്രങ്ങളായി എത്തുന്നു.
ഇ ഫോര്‍ എന്റര്‍ടെയിന്‍മെന്റ്‌സിന്റെ ബാനറില്‍ മുകേഷ് മെഹ്തയാണ് ചിത്രം നിര്‍മിക്കുന്നത്. ഷാഹിദ് കപൂര്‍ നായകനായെത്തിയ ചിത്രത്തിന്റെ ഹിന്ദി റീമേക്ക് “കബീര്‍ സിങ്ങും” ഏറെ ശ്രദ്ധേയമായിരുന്നു.