മമ്മൂട്ടിയും തെലുങ്കിലെ യുവതാരം അഖില്‍ അക്കിനേനിയും അഭിനയിക്കുന്ന ആക്ഷന്‍ ത്രില്ലര്‍ ഏജന്റ് ഈ വര്‍ഷം ഏപ്രില്‍ 28ന് തിയേറ്ററുകളിലെത്തും. തെലുങ്ക്, മലയാളം, ഹിന്ദി, തമിഴ്, കന്നഡ ഭാഷകളില്‍ ചിത്രം റിലീസാകും. ഏജന്റ് കേരളത്തില്‍ വിതരണം നിര്‍വഹിക്കുന്നത് അഖില്‍, ആഷിക് എന്നിവര്‍ നേതൃത്വം നല്‍കുന്ന യൂലിന്‍ പ്രൊഡക്ഷന്‍സ് ആണ്.
Also read
ആക്ഷന്‍ രംഗങ്ങള്‍ കൊണ്ട് സമ്പന്നമായ ഏജന്റിന് വേണ്ടി വമ്പന്‍ മേക്കോവറാണ് അഖില്‍ നടത്തിയിരിക്കുന്നത്. ഹൈദരാബാദ്, ഡല്‍ഹി, ഹംഗറി എന്നിവിടങ്ങളിലായി ഷൂട്ട് ചെയ്ത ചിത്രം എകെ എന്റര്‍ടൈന്‍മെന്റ്സിന്റെയും സുരേന്ദര്‍ 2 സിനിമയുടെയും ബാനറില്‍ രാമബ്രഹ്‌മം സുങ്കരയാണ് നിര്‍മ്മിക്കുന്നത്.
Read more
മഹാദേവ് എന്ന മിലിറ്ററി ഓഫീസറായി മലയാളത്തിന്റെ മെഗാസ്റ്റാര്‍ മമ്മൂട്ടിയും തെലുങ്കിലെ യുവ താരം അഖില്‍ അക്കിനേനിയും ഒരുമിക്കുമ്പോള്‍ തീയേറ്ററില്‍ പ്രേക്ഷകര്‍ ആഘോഷമാക്കുമെന്നാണ് പ്രതീക്ഷ. പ്രതീഷ് ശേഖര്‍ പിആര്‍ഓ.
