തമിഴ് നാട്ടിൽ കോവിഡ് വ്യാപനം രൂക്ഷമായ സാഹചര്യത്തില്‍ നടികര്‍ സംഘത്തിലെ അംഗങ്ങള്‍ക്ക് സഹായമെത്തിച്ച് നടന്‍ ശിവകാര്‍ത്തികേയനും നടി ഐശ്വര്യ രാജേഷും. ആര്‍ കെ സെല്‍വമണി, നടികര്‍ സംഘത്തിലെ പൂച്ചി മുരുകന്‍ എന്നിവര്‍ അംഗങ്ങള്‍ക്ക് സഹായമെത്തിക്കാന്‍ നടി നടന്‍മാരോട് അഭ്യര്‍ത്ഥിച്ചിരുന്നു.
ജോലി ഇല്ലാതെ പ്രതിസന്ധിയിലായവരെയാണ് സംഘടന സഹായിക്കാന്‍ തീരുമാനിച്ചിരിക്കുന്നത്. ഇതിനായി ഒരു ലക്ഷം രൂപയാണ് ശിവകാര്‍ത്തികേയന്‍ സംഭാവന ചെയ്തത്. ഐശ്വര്യ അമ്പതിനായിരും രൂപയും നല്‍കി. ഇവര്‍ക്ക് പുറമെ നടി ലത(25,000), നടന്‍ വിഗ്നേഷ് (10,000) എന്നിവരും സംഭാവന ചെയ്തു.
Read more
സംഘടന അംഗമായ പൂച്ചി മുരുകന്‍ 300 അംഗങ്ങള്‍ക്ക് അരി, പച്ചക്കറി മുതലായ ആവശ്യ സാധനങ്ങള്‍ നല്‍കി. കൂടാതെ 200 നടീ നടന്‍മാര്‍ക്ക് നടി ജയചിത്രയും വേണ്ട സാധനങ്ങള്‍ എത്തിച്ച് കൊടുത്തിരുന്നു.
