വെള്ളിത്തിരയില്‍ മാത്രമല്ല ജീവിതത്തിലും മിന്നും താരമാണ് തമിഴ് നടന്‍ അജിത്ത് കുമാര്‍. അതിനാല്‍ തന്നെയാണ് ആരാധകര്‍ അദ്ദേഹത്തെ സ്‌നേഹപൂര്‍വം “തല” എന്ന് വിളിക്കുന്നത്. ഇപ്പോഴിതാ പിറന്നാള്‍ ദിനത്തില്‍ ഭാര്യ ശാലിനിയ്ക്ക് അപ്രതീക്ഷിത സമ്മാനം ഒരുക്കിയാണ് തല കുടുംബത്തോടുള്ള തന്റെ വാത്സല്യം പ്രകടമാക്കിയിരിക്കുന്നത്.
നവംബര്‍ 20ന് ശാലിനിയുടെ നാല്‍പ്പതാം പിറന്നാളായിരുന്നു .പിറന്നാള്‍ ദിനത്തില്‍ ചെന്നൈയിലെ ലീലാ പാലസില്‍ ശാലിനിക്കായി അജിത്ത് ഒരു പ്രത്യേക വിരുന്നൊരുക്കി. ശാലിനിയുടെ കോളജിലെ സുഹൃത്തുക്കളെ അജിത്ത് അതിഥിയായി ക്ഷണിച്ചിരുന്നു. എന്നാല്‍ ഇക്കാര്യം ശാലിനിയോട് പറഞ്ഞിരുന്നില്ല.
കുടുംബത്തിനൊപ്പം ഹോട്ടലില്‍ ഭക്ഷണം കഴിക്കാനെന്ന് സൂചിപ്പിച്ചാണ് അജിത്ത് ശാലിനിയുമായി എത്തിയത്. എന്നാല്‍ ആഘോഷങ്ങള്‍ക്കായി ഹോട്ടലിലെ ഒരു ഹാള്‍ തന്നെ പൂര്‍ണമായും അദ്ദേഹം ബുക്ക് ചെയ്തിരുന്നു. തലയുടെ ആരാധകരും ശാലിനിയുടെ പിറന്നാള്‍ ഗംഭീരമായാണ് കൊണ്ടാടിയത്. ഇതിന്റെ ചിത്രങ്ങളും മറ്റും സോഷ്യല്‍ മീഡിയയില്‍ വൈറലായിരുന്നു.