രഞ്ജി പണിക്കരുടെ മകന്‍ സിനിമയിലേക്ക്. അദ്ദേഹത്തിന്റെ ഇരട്ടക്കുട്ടികളില്‍ നിഖിലാണ് കലാമണ്ഡലം ഹൈദരാലിയുടെ കഥാപാത്രവുമായി അഭിനയരംഗത്തേയ്ക്ക് എത്തുന്നത്. മറ്റൊരു മകനായ നിഥിന്‍ രഞ്ജി പണിക്കര്‍, കസബ എന്ന മമ്മൂട്ടി ചിത്രത്തിലൂടെ സംവിധാനരംഗത്തെത്തിയിരുന്നു. കിരണ്‍ ജി. നാഥ് സംവിധാനം ചെയ്യുന്ന ചിത്രത്തില്‍ ഹൈദരാലിയായി നടനും സംവിധായകനുമായ രഞ്ജി പണിക്കര്‍ വേഷമിടുന്നു. ഹൈദരാലിയുടെ യുവത്വം മകന്‍ നിഖില്‍ രഞ്ജി പണിക്കര്‍ അവതരിപ്പിക്കുന്നു. 19 വയസ്സു മുതല്‍ 30 വരെയുള്ള കാലഘട്ടമാണ് നിഖില്‍ അവതരിപ്പിക്കുക.
അജു നാരായണനാണ് സിനിമയുടെ രചന നിര്‍വഹിക്കുന്നത്. ഛായഗ്രഹണം എം.ജെ രാധാകൃഷ്ണന്‍. നിര്‍മ്മാണം: വിനീഷ് മോഹന്‍,ബാനര്‍: വേധാസ് ക്രിയേഷന്‍സ്,എഡിറ്റര്‍: മിഥുന്‍,സംഗീതം: അനില്‍ ഗോപാല്‍,ആലാപനം: കോട്ടയ്ക്കല്‍ മധു, നൃത്ത സംവിധാനം കലാമണ്ഡലം വിമല ,കലാമണ്ഡലം ഗണേശന്‍ ,സ്റ്റില്‍സ്: കണ്ണന്‍ സൂരജ്.
അഭിനേതാക്കള്‍: രഞ്ജി പണിക്കര്‍, അശോകന്‍, ടി.ജി. രവി, ജയപ്രകാശ് കുളൂര്‍, നിഖില്‍ രണ്‍ജി പണിക്കര്‍, റെയ്ഹാന്‍ ഹൈദരലി, കുടമാളൂര്‍ മുരളി കൃഷ്ണന്‍ , രഞ്ജന്‍ ,മീര നായര്‍,പാരിസ് ലക്ഷ്മി, വാണി.