കഴിഞ്ഞ ദിവസം തന്റെ പുതിയ ചിത്രം വീരസിംഹ റെഡ്ഡിയുടെ പ്രമോഷന്‍ പരിപാടിയ്ക്കിടെ നാഗാര്‍ജുനയുടെ പിതാവ് അക്കിനേനി നാഗേശ്വര റാവുവിനെക്കുറിച്ച് നന്ദമൂരി ബാലകൃഷ്ണ നടത്തിയ ചില പ്രസ്താവനകള്‍ വലിയ വിമര്‍ശനങ്ങള്‍ക്കിടയാക്കിയിരുന്നു. തലുങ്ക് സിനിമാ ഇതിഹാസമായ അക്കിനേനി നാഗേശ്വരറാവുവിനെക്കുറിച്ച്
‘എന്റെ അച്ഛന്‍ സീനിയര്‍ എന്‍ടിആറിന് ചില സമകാലികര്‍ ഉണ്ടായിരുന്നു, രംഗ റാവു (എസ് വി രംഗ റാവുവിനെ പരാമര്‍ശിച്ച്), അക്കിനേനിയോ തൊക്കിനേനിയോ മറ്റോ ‘ എന്നായിരുന്നു ബാലകൃഷ്ണ പറഞ്ഞത്. ഈ പരാമര്‍ശത്തിനെതിരെ ആരാധകര്‍ രംഗത്ത് വന്നിരുന്നു.
ഇപ്പോഴിതാ ബാലകൃഷ്ണയുടെ അഭിപ്രായത്തോട് പ്രതികരിച്ചിരിക്കുകയാണ് എഎന്‍ആറിന്റെ ചെറുമകനായ നാഗ ചൈതന്യ. ചൊവ്വാഴ്ചയാണ് അദ്ദേഹം തന്റെ അതൃപ്തി അറിയിച്ച് പ്രസ്താവന ഇറക്കിയത്. ‘നന്ദമുരി താരക രാമറാവു ഗാരു, അക്കിനേനി നാഗേശ്വര റാവു ഗാരു, എസ് വി രംഗ റാവു ഗാരു എന്നിവരുടെ സര്‍ഗ്ഗാത്മക സംഭാവനകള്‍ തെലുങ്ക് സിനിമയുടെ അഭിമാനവും നെടുംതൂണുകളുമാണ്. അവരോട് അനാദരവ് കാണിക്കുന്നത് നമ്മളെത്തന്നെ അപകീര്‍ത്തിപ്പെടുത്തുകയാണ്-അദ്ദേഹം പറഞ്ഞു.
Read more
നാഗചൈതന്യയുടെ സഹോദരന്‍ അഖില്‍ അക്കിനേനിയും ഇതേ വാക്കുകള്‍ തന്നെ സോഷ്യല്‍മീഡിയയില്‍ പങ്കുവെച്ചു എന്നാല്‍ ഇതു സംബന്ധിച്ച് ഇതുവരെ പ്രതികരിക്കാന്‍ നാഗാര്‍ജുന തയ്യാറായിട്ടില്ല.
