അക്ഷയ് കുമാറിന്റെ ചിത്രം സാമ്രാട്ട് പൃഥ്വിരാജ് പ്രദർശനം റദ്ദാക്കി. ഏതാനും തിയേറ്ററുകൾ. കാണാൻ ആളില്ലാത്തതാണ് ചിത്രം റദ്ദാക്കാൻ കാരണം. പല തിയേറ്ററുകളിലും ഷോകളുടെ എണ്ണം വെട്ടിച്ചുരുക്കിയിട്ടുണ്ട്. ജൂൺ 3 ന് പുറത്തിറങ്ങിയ ചിത്രത്തിന് വളരെ തണുത്ത പ്രതികരണമാണ് പ്രേക്ഷകരിൽ നിന്ന് ലഭിച്ചുകൊണ്ടിരിക്കുന്നത്.
250 കോടിയോളം മുടക്കിയൊരുക്കിയ ചിത്രത്തിന് 48 കോടിയേ ബോക്‌സ് ഓഫീസിൽ തിരിച്ചുപിടിക്കാനായുള്ളൂ. സാമ്രാട്ട് പൃഥ്വിരാജിന്റെ അഞ്ചാം ദിവസത്തെ കളക്ഷൻ നാല് കോടിയിൽ താഴെയാണ്. ഞായറാഴ്ച മാറ്റിനിർത്തിയാൽ ഓരോ ദിവസം പിന്നിടുമ്പോഴും വരുമാനത്തിൽ സാരമായ ഇടിച്ചിലാണ് സംഭവിക്കുന്നത്.
ചന്ദ്രപ്രകാശ് ദ്വവേദി ഒരുക്കിയ പൃഥ്വിരാജിൽ സോനു സൂദ്, സഞ്ജയ് ദത്ത്, മാനുഷി ചില്ലാർ തുടങ്ങിയവരാണ് മറ്റു താരങ്ങൾ. ആദിത്യ ചോപ്രയാണ് നിർമിച്ചത്. പൃഥ്വിരാജിനൊപ്പം റിലീസ് ചെയ്ത ലോകേഷ് കനകരാജിന്റെ തമിഴ്ചിത്രം വിക്രം അതിഗംഭീര വിജയമാണ് നേടി കൊണ്ടിരിക്കുന്നത്.
അതോടൊപ്പം തന്നെ 42 കോടിയോളം മുതൽ മുടക്കിലൊരുക്കിയ തെലുങ്ക് ചിത്രം മേജർ ബോക്‌സ് ഓഫീസിൽ 50 കോടിയിലേറെ വരുമാനം നേടി പ്രദർശനം തുടരുകയാണ്. അടുത്ത കാലത്ത് റീലിസ് ചെയ്യ്ത ഹിന്ദി ചിത്രം ഭൂൽ ഭൂലയ്യ 2 മാത്രമാണ് മികച്ച പ്രകടനം കാഴ്ച്ച വെച്ചിട്ടുള്ളത്.