‘പുഷ്പ 2’വിലെ കിസ്സിക് ഗാനത്തില്‍ തൃപ്തരാകാതെ ആരാധകര്‍. ശ്രീലീല ആടിതിമിര്‍ത്ത ഗാനം സാമന്തയുടെ ‘ഊ അണ്ടവ’യുടെ അത്ര ഓളം ഉണ്ടാക്കുന്നതല്ല എന്നാണ് ആരാധകര്‍ പറയുന്നത്. കിസ്സിക് ഗാനം ഫയര്‍ ആണ്, എന്നാല്‍ ഊ അണ്ടവാ വൈല്‍ഡ് ഫയര്‍ ആയിരുന്നുവെന്നും പലരും സോഷ്യല്‍ മീഡിയയില്‍ കുറിക്കുന്നുണ്ട്.
ചെന്നൈയില്‍ വച്ച് നടന്ന ചടങ്ങില്‍ വച്ചാണ് ഗാനം റിലീസ് ചെയ്തത്. കിസ്സിക് എന്ന ഗാനം ഒരുക്കിയത് ദേവി ശ്രീ പ്രസാദാണ്. ചന്ദ്രബോസാണ് വരികള്‍ എഴുതിയത്. ശുഭലക്ഷിണിയാണ് ഗാനം ആലപിച്ചിരിക്കുന്നത്. 2.3 മില്യണ്‍ വ്യൂസ് ആണ് ഗാനത്തിന്റെ തെലുങ്ക് വേര്ഷന് ലഭിച്ചിരിക്കുന്നത്. ഹിന്ദി വേര്ഷന് 6 മില്യണിലധികം വ്യൂസ് നേടിയിട്ടുണ്ട്.
ഒരൊറ്റ ഡാന്‍സിനായി ശ്രീലീല വാങ്ങുന്നത് 3 കോടി രൂപ വരെയാണ് എന്നായിരുന്നു തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്തത്. ഒരു കോടി രൂപയായിരുന്നു സാമന്ത ഒരു ഡാന്‍സിനായി വാങ്ങിയത്. ‘ഗുണ്ടൂര്‍ കാരം’ എന്ന ചിത്രത്തിലെ കുര്‍ച്ചി മടത്തപ്പെട്ടി എന്ന ഗാനത്തിലൂടെ പ്രേക്ഷശ്രദ്ധ നേടിയ നടിയാണ് ശ്രീലീല.
അതേസമയം, അല്ലു അര്ജുന് ദേശീയ അവാര്‍ഡ് നേടിക്കൊടുത്ത ചിത്രമാണ് പുഷ്പ 2. 2021ല്‍ പുറത്തിറങ്ങി പാന്‍ ഇന്ത്യന്‍ തലത്തില്‍ വിജയം നേടിയ അല്ലു അര്ജുന് ചിത്രം പുഷ്പയുടെ രണ്ടാം ഭാഗമായാണ് പുഷ്പ 2 ദ റൂള്‍ എത്തുന്നത്. പുഷ്പയിലെ മാസ് ഡയലോഗുകളും ഗാനങ്ങളും ഇന്ത്യയില്‍ ഉടനീളമുള്ള സിനിമാപ്രേമികള്‍ ആഘോഷമാക്കിയിരുന്നു.
Read more
ഫഹദ് ഫാസിലും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്. ഭന്‍വര്‍ സിംഗ് ഷെഖാവത്ത് എന്ന പൊലീസ് കഥാപാത്രമായാണ് ഫഹദ് ചിത്രത്തില്‍ വേഷമിടുന്നത്. അല്ലു അര്ജുന് മികച്ച നടനുള്ള ദേശീയ പുരസ്‌കാരം നേടി കൊടുത്ത പുഷ്പരാജ് എന്ന കഥപാത്രത്തിന്റെ രണ്ടാംവരവ് സിനിമാലോകം ഏറെ പ്രതീക്ഷയോടെ കാണുന്നത്.
