രണ്ട് ദിവസം മുമ്പാണ് നടി എമി ജാക്‌സണ്‍ ആണ്‍കുഞ്ഞിന് ജന്മം നല്‍കിയത്. സോഷ്യല്‍ മീഡിയയിലൂടെ എമി തന്നെയാണ് താന്‍ അമ്മയായ വിവരം ആരാധകരുമായി പങ്കുവച്ചത്. കാമുകനും ഭാവി വരനുമായ ജോര്‍ജിനും കുഞ്ഞിനുമൊപ്പമുള്ള ചിത്രം എമി ഇന്‍സ്റ്റഗ്രാമില്‍ പങ്കുവെച്ചിരുന്നു. ആന്‍ഡ്രിയാസ് എന്നാണ് കുഞ്ഞിന് പേര് നല്‍കിയിരിക്കുന്നത്.
ഇപ്പോഴിതാ കുഞ്ഞ് ആന്‍ഡ്രിയാസിനൊപ്പം ആദ്യമായി പുറത്തു പോകുന്നതിന്റെ ചിത്രങ്ങള്‍ ആരാധകരുമായി പങ്കുവെച്ചിരിക്കുകയാണ് എമി. ഇന്‍സ്റ്റഗ്രാം സ്‌റ്റോറിയിലാണ് കുഞ്ഞിനൊപ്പമുള്ള ആദ്യ ഔട്ടിംഗ് എന്ന ക്യാപ്ഷനോടെ എമി ചിത്രങ്ങള്‍ പങ്കുവെച്ചിരിക്കുന്നത്. കാമുകനായ ജോര്‍ജ് പനായോട്ടുവുമൊപ്പമുള്ള ചിത്രം പങ്കുവെച്ചാണ് ബ്രിട്ടണിലെ മാതൃദിനത്തില്‍ അമ്മയാകുന്നെന്ന സന്തോഷ വാര്‍ത്ത എമി ആരാധകരെ അറിയിച്ചത്. ജോര്‍ജുമായുള്ള വിവാഹ നിശ്ചയം കഴിഞ്ഞ് മൂന്നു മാസം പിന്നിടുമ്പോഴായിരുന്നു താന്‍ അമ്മയാകുന്നു എന്ന വാര്‍ത്ത എമി ലോകത്തെ അറിയിച്ചത്. തുടര്‍ന്ന് ഗര്‍ഭകാലത്തെ ഓരോ സുന്ദര നിമിഷങ്ങളും എമി സോഷ്യല്‍ മീഡിയയിലൂടെ പങ്കുവെച്ചിരുന്നു.
എമിയും ജോര്‍ജും 2015 മുതല്‍ പ്രണയത്തിലാണ്. ബ്രിട്ടീഷ് റിയല്‍ എസ്റ്റേറ്റ് വമ്പന്‍ അന്‍ഡ്രിയാസ് പനയോറ്റുവിന്റെ മകനാണ് ജോര്‍ജ് പനയോറ്റു. ബ്രിട്ടണിലെ പ്രശസ്തമായ എബിലിറ്റി ഗ്രൂപ്പിന്റെ സ്ഥാപകനും ലക്ഷ്വറി ഹോട്ടല്‍ ശൃംഖലകളുടെ ഉടമയുമാണ് ഇദ്ദേഹം.
https://www.instagram.com/p/B2wCaALpayw/?utm_source=ig_web_copy_link