നടി എമി ജാക്‌സണും ജോര്‍ജ് പനയോറ്റുവും തമ്മിലുള്ള വിവാഹ നിശ്ചയം കഴിഞ്ഞു. ലണ്ടനില്‍ വച്ചാണ് വിവാഹനിശ്ചയം നടന്നത്. അടുത്ത ബന്ധുക്കളും സുഹൃത്തുക്കളും ചടങ്ങില്‍ സന്നിഹിതരായിരുന്നു. അമ്മയാകാനുള്ള ഒരുക്കത്തിനിടെ വന്നണഞ്ഞ വിവാഹ നിശ്ചയ സന്തോഷവും ഏറെ ആഘോഷമാക്കിയിരിക്കുകയാണ് എമി.
“ഒരിക്കലും വിശ്വസിക്കാനാകാത്ത ദിവസം, ഞങ്ങള്‍ വിവാഹ നിശ്ചയം ആഘോഷിക്കുന്നു. ഈ ദിവസം ഇത്ര സുന്ദരവും സ്‌നേഹ സമ്പന്നവുമാക്കിയ എല്ലാ സുഹൃത്തുക്കള്‍ക്കും കുടുംബാംഗങ്ങള്‍ക്കും നന്ദി പറയുന്നു.” എമി ഇന്‍സ്റ്റയില്‍ കുറിച്ചു. ചടങ്ങിന്റെ ചിത്രങ്ങളും വിഡിയോകളും എമി പോസ്റ്റ് ചെയ്തിട്ടുണ്ട്.
https://www.instagram.com/p/BxHKK4Qhus6/?utm_source=ig_web_copy_link
താന്‍ അമ്മയാവാന്‍ പോവുകയാണെന്നുള്ള സന്തോഷവാര്‍ത്ത കഴിഞ്ഞ മാസമാണ് എമി ജാക്‌സണ്‍ ആരാധകരുമായി പങ്കുവെച്ചത്. ജോര്‍ജ് പനായോട്ടുവുമൊപ്പമുള്ള ചിത്രം പങ്കുവെച്ചാണ് ബ്രിട്ടണിലെ മാതൃദിനമായ ഇന്ന് അമ്മയാകുന്നെന്ന സന്തോഷ വാര്‍ത്ത എമി ആരാധകരെ അറിയിച്ചത്.
https://www.instagram.com/p/BvqigfhhAi8/?utm_source=ig_web_copy_link
എമിയും ജോര്‍ജും 2015 മുതല്‍ പ്രണയത്തിലാണ്. ബ്രിട്ടീഷ് റിയല്‍ എസ്റ്റേറ്റ് വമ്പന്‍ അന്‍ഡ്രിയാസ് പനയോറ്റുവിന്റെ മകനാണ് ജോര്‍ജ് പനയോറ്റു. ബ്രിട്ടണിലെ പ്രശസ്തമായ എബിലിറ്റി ഗ്രൂപ്പിന്റെ സ്ഥാപകനും ലക്ഷ്വറി ഹോട്ടല്‍ ശൃംഖലകളുടെ ഉടമയുമാണ് ഇദ്ദേഹം.