അവതാരകയും നടിയുമായ ദിവ്യദര്‍ശിനി അടുത്തിടെ നല്‍കിയ ഒരു അഭിമുഖം വൈറലായിരുന്നു. തന്നെ അപമാനിച്ച ഒരു നായികയെ കുറിച്ച് ആയിരുന്നു ദിവ്യദര്‍ശിനി സംസാരിച്ചത്. നായിക തന്നോട് ഡ്രസ് മാറ്റാന്‍ ആവശ്യപ്പെട്ടതിനെ കുറിച്ചാണ് ദിവ്യ പറഞ്ഞത്. ഈ നായിക നയന്‍താരയാണെന്ന് കണ്ടെത്തിയിരിക്കുകയാണ് സോഷ്യല്‍ മീഡിയ ഇപ്പോള്‍.
”ഒരു പരിപാടിയില്‍ ഒരു ഹീറോയിന്‍ വന്നു. അവര്‍ താമസിച്ചാണ് വന്നത്. ആ പരിപാടിയുടെ ഒരു സെഷന്‍ കഴിഞ്ഞപ്പോഴാണ് അവര്‍ എത്തിയത്. അവര്‍ വന്നയുടന്‍ എന്റെ ഡ്രസാണ് നോക്കിയത്. അവരുടെയും എന്റെയും ഡ്രസ് ഒരുപോലെയായിരുന്നു. ഒരേ ഡിസൈന്‍ ഒരേ കളര്‍ എന്ന് പറയാം. ‘ഓ, നമ്മള്‍ ഒരേ ഡ്രസാണല്ലോ ഇട്ടിരിക്കുന്നത്’ എന്ന് അവര്‍ പറഞ്ഞു.
”ഞാന്‍ അത് കേട്ട് ചിരിച്ചു. പെട്ടെന്നാണ് അവര്‍ ‘നിങ്ങള്‍ക്ക് മാറി ഉടുക്കാന്‍ വേറെ ഡ്രസുണ്ടോ’ എന്ന് ചോദിച്ചത്. അത് ശരിക്കും ഒരു ഷോക്കായിരുന്നു. ശരിക്കും എന്റെ ഒരോ ഷൂട്ടിലും ഞാന്‍ ഡ്രസില്‍ ശ്രദ്ധ ചെലുത്താറുണ്ട്. അത്രയും ശ്രദ്ധയോടെയാണ് അത് ചെയ്യാറ്. എനിക്ക് അത് ഒരുമാതിരിയായി ആ ചോദ്യം.”
”എന്നാല്‍ എല്ലാരും ഇടപെട്ടു. ഇപ്പോള്‍ തന്നെ വൈകി ഇനിയൊരു ഡ്രസ് മാറ്റല്‍ നടക്കില്ലെന്ന് പറഞ്ഞ് ഹീറോയിനെ സമ്മതിപ്പിച്ചു. എനിക്ക് അപമാനമായി തോന്നിയെങ്കിലും ഞാന്‍ വളരെ മര്യാദയോടെയാണ് ആ നടിയോട് പെരുമാറിയത്. എന്നെ അത് വേദനിപ്പിച്ചു. ഒരു ആങ്കര്‍ക്ക് എന്തിനാണ് ഇത്രയും നല്ല ഡ്രസ് എന്ന ചിന്തയാണ് അവിടെ കണ്ടത്” എന്നാണ് ദിവ്യദര്‍ശിനി പറഞ്ഞത്.
ഇത് നയന്‍താരയാണ് എന്നാണ് സോഷ്യല്‍ മീഡിയ കണ്ടെത്തിയിരിക്കുന്നത്. ‘കണക്ട്’ എന്ന ചിത്രത്തിന്റെ പ്രമോഷന്‍ അഭിമുഖത്തില്‍ നയന്‍താരയുടെ ഇന്റര്‍വ്യൂ ദിവ്യ എടുത്തിരുന്നു. അന്ന് നയന്‍സും, ഡിഡിയും ഏതാണ്ട് ഒരേ വസ്ത്രമാണ് ഇട്ടിരുന്നത് എന്ന് അന്നത്തെ ചിത്രങ്ങളാണ് പലരും ഇപ്പോള്‍ പോസ്റ്റ് ചെയ്യുന്നത്. എന്നാല്‍ നയന്‍താര അല്ല എന്ന വാദങ്ങളും നടക്കുന്നുണ്ട്.