വികൃതിക്ക് ശേഷം സൗബിന്‍ ഷാഹിറും സുരാജ് വെഞ്ഞാറമൂടും ഒന്നിച്ച “ആന്‍ഡ്രോഡ് കുഞ്ഞപ്പന്‍ വേര്‍ഷന്‍ 5.25” ലെ ഒരു രംഗം പുറത്തുവിട്ട് ്ണിയറ പ്രവര്‍ത്തകര്‍. സുരാജിന്റെ ഗംഭീര പ്രകടനം തന്നെയാണ് ഇതിലെ പ്രധാന ആകര്‍ഷണം. സുരാജിനൊപ്പം ചിത്രത്തിലെ റോബോര്‍ട്ടിനെയും രംഗത്തില്‍ കാണാം.
ഫോഴ്‌സ്, ബദായ് ഹോ, മര്‍ഡ് കോ ദര്‍ദ് നഹി ഹോതാ എന്നീ ബോളിവുഡ് ചിത്രങ്ങളുടെയും നിരവധി പരസ്യ ചിത്രങ്ങളുടെയും പ്രൊഡക്ഷന്‍ ഡിസൈനറായ രതീഷ് ബാലകൃഷ്ണന്‍ പൊതുവാള്‍ ആദ്യമായി സംവിധാനം ചെയ്ത ചിത്രമാണിത്. മൂണ്‍ഷോട്ട് എന്റര്‍ടൈന്‍മെന്റിന്റെ ബാനറില്‍ സന്തോഷ് ടി കുരുവിളയാണ് ചിത്രം നിര്‍മ്മിച്ചത്.
സൈജു കുറുപ്പ്, മാല പാര്‍വതി, മേഘ മാത്യു തുടങ്ങി വന്‍ താരനിര തന്നെയാണ് ചിത്രത്തില്‍ അണിനിരന്നത്. സാനു ജോണ്‍ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റിങ് സൈജു ശ്രീധരനാണ്. ബിജിബാലാണ് സംഗീതം.