നാല് സ്ത്രീകഥാപാത്രങ്ങളെ കേന്ദ്രകഥാപാത്രമാക്കി ബാലു സംവിധാനം ചെയ്യുന്ന “അനുകുന്നധി ഒക്കതി അയ്‌നഥി ഒക്കതി” എന്ന ചിത്രത്തിന് വിമര്‍ശനം. ചിത്രത്തിന്റെ ട്രെയിലര്‍ കഴിഞ്ഞ ദിവസം റിലീസ് ചെയ്തിരുന്നു. ഇതിനു പിന്നാലെയാണ് വിമര്‍ശനങ്ങളും തലപൊക്കിയത്.
ദ്വയാര്‍ഥ പ്രയോഗങ്ങള്‍ നിറഞ്ഞതാണ് ട്രെയിലര്‍. അതുകൊണ്ടു തന്നെ വലിയ വിമര്‍ശനമാണ് ട്രെയിലറിനു നേരെ ഉയരുന്നത്. സുഹൃത്തുക്കളായ നാല് യുവതികള്‍ ഗോവയ്ക്ക് ഉല്ലാസ യാത്ര പോകുന്നതും തുടര്‍ന്നുണ്ടാകുന്ന പ്രശ്‌നങ്ങളുമാണ് ചിത്രം. ധന്യ ബാലകൃഷ്ണന്‍, കോമലീ പ്രസാദ്, സിദ്ദി ഇദ്‌നാനി, ത്രിദാ ചൗദരി എന്നിവരാണ് ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്.
സിനിമയുടെ തെലുങ്ക്, മലയാളം, കന്നഡ, തമിഴ് ട്രെയിലറുകളാണ് റിലീസ് ചെയ്തിട്ടുള്ളത്. മലയാളത്തില്‍ 4 ജി എന്നാണ് ചിത്രത്തിന്റേ പേര്.