നടി അനുപമ പരമേശ്വരന്‍ വിവാഹതിയാകാന്‍ ഒരുങ്ങുന്നുവെന്ന് റിപ്പോര്‍ട്ടുകള്‍. തെലുങ്ക് താരം രാം പോത്തിനേനിയും അനുപമയും പ്രണയത്തിലാണെന്നും ഇരുവരും വിവാഹിതരാകാന്‍ ഒരുങ്ങുന്നുവെന്നുമാണ് റിപ്പോര്‍ട്ടുകള്‍. തെലുങ്ക് മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.
ഇരുവരും പ്രണയത്തിലാണെന്നും വിവാഹിതരാകാന്‍ കുടുംബത്തിന്റെ അനുമതി തേടുകയാണ് എന്നുമാണ് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്തത്. ഈ വാര്‍ത്തയോട് അനുപമയുടെ അമ്മ പ്രതികരിച്ചിട്ടുണ്ട്. അങ്ങനൊരു സംഭവമില്ലെന്നും ഈ വാര്‍ത്ത ശരിയല്ലെന്നും അനുപമയുടെ അമ്മ സുനിത വ്യക്തമാക്കിയാതായി ഏഷ്യാനെറ്റ് ന്യൂസ് റിപ്പോര്‍ട്ട് ചെയ്തു.
രണ്ട് തെലുങ്ക് ചിത്രങ്ങളില്‍ രാം പോത്തിനേനിക്കൊപ്പം അനുപമ അഭിനയിച്ചിട്ടുണ്ട്. ‘വന്നതി ഒകടേ സിന്ദഗി’, ‘ഹലോ ഗുരു പ്രേമ കോസമേ’ എന്നീ ചിത്രങ്ങളിലാണ് രാമിനൊപ്പം അനുപമ എത്തിയത്. ഹലോ ഗുരു പ്രേമ കോസമേ എന്ന സിനിമയില്‍ രാമിന്റെ നായികയായതിന് പിന്നാലെ ഇരവരും പ്രണയത്തിലാണെന്ന ഗോസിപ്പുകള്‍ പ്രചരിച്ചിരുന്നു.
അതേസമയം, മലയാളം, തമിഴ്, തെലുങ്ക് ഭാഷകളിലായി നിരവധി സിനിമകളാണ് അനുപമയുടെതായി ഒരുങ്ങി കൊണ്ടിരിക്കുന്നത്. ‘ടില്ലു സ്‌ക്വയര്‍’, ‘ഈഗിള്‍’ എന്നീ തെലുങ്ക് ചിത്രങ്ങളും, ‘സൈറന്‍’ എന്ന തമിഴ് സിനിമയും, ‘ജെഎസ്‌കെ ട്രൂത്ത് ഷാല്‍ ഓള്‍വേയ്‌സ് പ്രീവെയ്ല്‍’ എന്ന മലയാള ചിത്രവും അണിയറയില്‍ ഒരുങ്ങുകയാണ്.