“കപ്പേള” സിനിമയ്ക്കും സംവിധായകന്‍ മുസ്തഫയ്ക്കും അഭിനന്ദനമറിയിച്ച് ബോളിവുഡ് സംവിധായകന്‍ അനുരാഗ് കശ്യപ്. “”മുഹമ്മദ് മുസ്ഫയുടെ കപ്പേള എന്ന ആദ്യ ചിത്രം തന്നെ എത്ര മികച്ചതാണ്. ഗംഭീരമായ തിരക്കഥ അദ്ദേഹത്തിന്റെ അടുത്ത ചിത്രങ്ങള്‍ക്കായി കാത്തിരിക്കും”” എന്നാണ് അനുരാഗ് കശ്യപിന്റെ ട്വീറ്റ്.
നടന്‍ മുഹമ്മദ് മുസ്തഫ ആദ്യമായി സംവിധാനെ ചെയ്ത ചിത്രമാണ് കപ്പേള. മികച്ച അഭിപ്രായങ്ങളുമായി സിനിമ തുടരമ്പോഴാണ് കോവിഡ് ലോക്ഡൗണിനിടെ സിനിമ പ്രദര്‍ശനം നിര്‍ത്തുവച്ചത്. പിന്നീട് ചിത്രം നെറ്റ്ഫ്ളിക്സില് റിലീസ് ചെയ്യുകയായിരുന്നു. നെറ്റ്ഫ്ളിക്സില് റിലീസായപ്പോള്‍ വന്‍ സ്വീകാര്യതയാണ് ചിത്രത്തിന് പ്രേക്ഷകരില്‍ നിന്നു ലഭിച്ചുകൊണ്ടിരിക്കുന്നത്.
അന്ന ബെന്‍, ശ്രീനാഥ് ഭാസി, റോഷന്‍, സുധി കോപ്പ തുടങ്ങിയവരാണ് കപ്പേളയില്‍ കേന്ദ്ര കഥാപാത്രങ്ങളെ അവതരിപ്പിച്ചത്. കഥാസ് അണ്‍ടോള്‍ഡിന്റെ ബാനറില്‍ വിഷ്ണു വേണുവാണ് കപ്പേള നിര്‍മിച്ചത്. ജിംഷി ഖാലിദ് ഛായാഗ്രഹണവും സുഷിന്‍ ശ്യാം സംഗീത സംവിധാനവും നിര്‍വ്വഹിച്ചിരിക്കുന്നു.