അനുഷ്‌ക ഷെട്ടിയും മാധവനും ഒന്നിക്കുന്ന ഹൊറര്‍ സസ്‌പെന്‍സ് ത്രില്ലര്‍ ചിത്രം “നിശ്ശബ്ദ”ത്തിന്റെ ടീസര്‍ പുറത്ത്. റിലീസ് ചെയ്ത് 24 മണിക്കൂറിനുള്ളില്‍ 36 ലക്ഷം കാഴ്ചക്കാരുമായി യൂട്യൂബ് ട്രെന്‍ഡിംഗ ലിസ്റ്റില്‍ എട്ടാം സ്ഥാനത്ത് തുടരുകയാണ് ടീസര്‍.
ആന്റണി എന്ന കാഴ്ചവൈകല്യമുള്ള സെലിബ്രിറ്റി ഗായകനായാണ് മാധവന്‍ വേഷമിടുന്നത്. സാക്ഷി എന്ന ഊമയായ ചിത്രകാരിയുടെ വേഷത്തിലാണ് അനുഷ്‌ക എത്തുന്നത്. 13 വര്‍ഷങ്ങള്‍ക്ക് ശേഷമാണ് അനുഷ്‌കയും മാധവനും വീണ്ടും ഒന്നിക്കുന്നത്. 2006-ല്‍ റിലീസ് ചെയ്ത “രെന്‍ഡു” ആയിരുന്നു ഇരുവരും ഒരുമിച്ച ആദ്യ ചിത്രം.
ഗോപി മോഹന്‍, കൊന വെങ്കട് ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അഞ്ജലി, കില്‍ബില്‍ ഫെയിം മൈക്കല്‍ മാഡ്സെന്‍ എന്നിവരാണ് ചിത്രത്തിലെ മറ്റ് കേന്ദ്ര കഥാപാത്രങ്ങള്‍. തെലുങ്ക്, തമിഴ്, മലയാളം, ഹിന്ദി എന്നീ നാല് ഭാഷകളിലായാണ് ചിത്രം റിലീസ് ചെയ്യുന്നത്.
