ആത്മീതയിലേക്ക് തിരിഞ്ഞ് നടി അനുശ്രീ. രുദ്രാക്ഷം കഴുത്തിലിട്ട്, മേക്കപ്പില്ലാതെ നില്‍ക്കുന്ന ചിത്രങ്ങളാണ് താരം ഇപ്പോള്‍ സോഷ്യല്‍ മീഡിയയില്‍ പങ്കുവച്ചിരിക്കുന്നത്. ഒറ്റയ്ക്കുള്ള ജീവിതത്തെ കുറിച്ചും, ആത്മീയതയെ കുറിച്ചും പറഞ്ഞാണ് നടിയുടെ ഇന്‍സ്റ്റഗ്രാം പോസ്റ്റ്.
”ആത്മീയതയുടെ സമയം. ഒന്നും പ്രതീക്ഷിക്കരുത്. ആരെയും കുറ്റപ്പെടുത്തരുത്. നിങ്ങളുടെ സന്തോഷവും സങ്കടങ്ങളും ഉള്ളില്‍ തന്നെ സൂക്ഷിക്കുക. എല്ലാം ശരിയാവും” എന്നാണ് അനുശ്രീ ചിത്രത്തിനൊപ്പം ക്യാപ്ഷനായി കുറിച്ചിരിക്കുന്നത്. താരത്തിന്റെ പോസ്റ്റ് ചര്‍ച്ചയായിരിക്കുകയാണ്.
View this post on Instagram
പോസ്റ്റ് കണ്ട് നിരവധി പേരാണ് കമന്റുമായി എത്തുന്നത്. അനുശ്രീ ആത്മീയതയുടെ വഴിയിലേക്ക് പോയോ എന്നാണ് ആരാധകര്‍ ചോദിക്കുന്നത്. ‘തലവന്‍’ എന്ന ചിത്രമാണ് താരത്തിന്റെതായി പുറത്തുവന്നിരിക്കുന്നത്. ‘താര’ എന്ന ചിത്രമാണ് താരത്തിന്റെതായി അണിയറയില്‍ ഒരുങ്ങി കൊണ്ടിരിക്കുന്നത്.
‘കഥ എന്നുവരെ’ എന്നൊരു ചിത്രം കൂടി അനുശ്രീയുടെതായി ഒരുങ്ങി കൊണ്ടിരിക്കുന്നുണ്ട്. ‘ഡയമണ്ട് നെക്ലേസ്’ എന്ന ലാല്‍ജോസ് ചിത്രത്തിലൂടെയാണ് അനുശ്രീ സിനിമയില്‍ അരങ്ങേറ്റം കുറിച്ചത്. ആദ്യ സിനിമയിലൂടെ തന്നെ ശ്രദ്ധ നേടിയ താരം നിരവധി ഹിറ്റ് കഥാപാത്രങ്ങള്‍ അവതരിപ്പിച്ചിട്ടുണ്ട്.
