ആദ്യ പോസ്റ്ററുകളും ടീസറും ഒക്കെ കണ്ട പ്രേക്ഷകര്‍ ഇതൊരു ഗ്യാങ്സ്റ്റര്‍ പടമാണെന്ന് തെറ്റിദ്ധരിച്ചെങ്കില്‍ അതിനുള്ള ഉത്തരം സംവിധായകന്‍ അരുണ്‍ ഗോപി തന്നിട്ടുണ്ട്. ഒരു പ്രണയകഥയാണ് ബാന്ദ്രയില്‍ പറയാനൊരുങ്ങുന്നത് എന്നാണ് അഭിമുഖങ്ങളില്‍ സംവിധായകന്‍ വ്യക്തമാക്കിയിട്ടുള്ളത്.
നാളെ തിയേറ്ററില്‍ എത്താന്‍ പോകുന്ന ചിത്രം ഗംഭീരമാകും എന്ന പ്രതീക്ഷയിലാണ് സിനിമാപ്രേമികളും. ജനപ്രിയ നായകന്റെ കിടിലന്‍ എന്റര്‍ടെയ്‌നര്‍ തന്നെയാകും തിയേറ്ററില്‍ എത്തുക. ‘രാമലീല’ എന്ന ചിത്രത്തിലൂടെ ബ്ലോക്ബസ്റ്റര്‍ അടിച്ച ദിലീപ്-അരുണ്‍ ഗോപി കോമ്പോ നിരാശപ്പെടുത്താന്‍ സാധ്യതയില്ല എന്നാണ് സോഷ്യല്‍ മീഡിയയും പറയുന്നത്.
അലന്‍ അലക്സാണ്ടര്‍ ഡൊമിനിക് എന്ന കഥാപാത്രമായി ദിലീപ് എത്തുമ്പോള്‍ നായിക ‘താര ജാനകിയായി’ തമന്നയും എത്തുന്നു. പാന്‍ ഇന്ത്യന്‍ താരനിര ചിത്രത്തിനായി അണിനിരക്കുന്നു എന്നതാണ് മറ്റൊരു പ്രത്യേകത. മംമ്ത മോഹന്‍ദാസും ചിത്രത്തില്‍ മറ്റൊരു പ്രധാന കഥാപാത്രത്തെ അവതരിപ്പിക്കുന്നുണ്ട്.
തമിഴ് താരം ശരത് കുമാറും ബോളിവുഡ് നടന്‍ ദിനോ മോറിയയും സിനിമയിലുണ്ട്. സിദ്ദിഖ്, കലാഭവന്‍ ഷാജോണ്‍, ഗണേഷ് കുമാര്‍ തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്. ഷാജി കുമാറാണ് ഛായാഗ്രഹണം. സംഗീതം – സാം സി എസ്, എഡിറ്റിംഗ് – വിവേക് ഹര്‍ഷന്‍.
Read more
കലാസംവിധാനം – സുബാഷ് കരുണ്‍, സൗണ്ട് ഡിസൈന്‍ – രംഗനാഥ് രവി, വസ്ത്രാലങ്കാരം – പ്രവീണ്‍ വര്‍മ്മ. അന്‍ബറിവ്, ഫിനിക്‌സ് പ്രഭു, മാഫിയ ശശി എന്നിവരാണ് ആക്ഷന്‍ കോറിയോഗ്രാഫര്‍മാര്‍. അഹമ്മദാബാദ്, സിദ്ധാപൂര്‍, രാജ്‌കോട്ട്, ഘോണ്ടല്‍, ജയ്പൂര്‍, മുംബയ്, ഹൈദരാബാദ് തുടങ്ങിയ സ്ഥലങ്ങളായിരുന്നു പ്രധാന ലൊക്കേഷനുകള്‍.
