പ്രണവ് മോഹന്‍ലാലിനെ നായകനാക്കി അരുണ്‍ ഗോപി ഒരുക്കിയ ‘ഇരുപത്തിയൊന്നാം നൂറ്റാണ്ട്’ ചിത്രത്തിന് സമ്മിശ്ര പ്രതികരണമാണ് ലഭിച്ചത്. ബോക്‌സോഫീസില്‍ പരാജയപ്പെട്ട ചിത്രത്തെ വിമര്‍ശിച്ചും നിരവധി പേര്‍ രംഗത്തെത്തിയിരുന്നു. ഇരുപത്തിയൊന്നാം നൂറ്റാണ്ടിനെ കുറിച്ച് വന്ന ഒരു കമന്റിന് മറുപടി കൊടുത്തിരിക്കുകയാണ് സംവിധായകന്‍ അരുണ്‍ ഗോപി ഇപ്പോള്‍.
മികച്ച സീരിയലിന് അവാര്‍ഡ് നല്‍കാത്തതിനെ വിമര്‍ശിച്ച് അരുണ്‍ ഗോപി പങ്കുവച്ച പോസ്റ്റിന് താഴെയാണ് കമന്റ് വന്നത്. ”നിലവാരം ഒരു വിഷയം തന്നാണ്.. ഇരുപത്തിയൊന്നാം നൂറ്റാണ്ട് എന്നു പറയുന്ന സിനിമ നിലവാരം കുറഞ്ഞു പോയത് കൊണ്ടാണ് താങ്കളുടെ സിനിമ ജീവിതത്തില്‍ ഏറ്റവും വലിയ പരാജയമായി അത് മാറിയതും..” എന്നാണ് കമന്റ്.
”കറക്ട്” എന്നാണ് കമന്റിന് അരുണ്‍ ഗോപിയുടെ മറുപടി. ഇത് സോഷ്യല്‍ മീഡിയയില്‍ വൈറലായിരിക്കുകയാണ്. അരുണ്‍ ഗോപി സംവിധാനം ചെയ്ത രണ്ടാമത്തെ സിനിമയാണ് ഇരുപത്തിയൊന്നാം നൂറ്റാണ്ട്. സായ ഡേവിഡ്, മനോജ് കെ. ജയന്‍, ധര്‍മ്മജന്‍, ഷാജോണ്‍ തുടങ്ങിയ താരങ്ങളാണ് ചിത്രത്തില്‍ പ്രധാന വേഷങ്ങളിലെത്തിയത്.
ഗോവയില്‍ താമസമാക്കിയ ഒരു ‘സ്‌പോയില്‍ഡ്’ ഫാദറും മകനും ജീവിക്കുന്ന തട്ടുപൊളിപ്പന്‍ സാഹചര്യങ്ങളിലേക്ക് കടന്നു വരുന്ന പെണ്‍കുട്ടി മൂലമുണ്ടാകുന്ന ജീവിത വ്യതിയാനങ്ങളുടെ കഥയാണ് ഇരുപത്തിയൊന്നാം നൂറ്റാണ്ട്.