മലയാള സിനിമ ഇതുവരെ കാണാത്ത അത്രയും വലിയ പ്രൈസ് മണി കോണ്ടെസ്റ്റുമായി കന്നഡ സൂപ്പര്‍ സ്റ്റാര്‍ രക്ഷിത് ഷെട്ടി നായകനാകുന്ന അവന്‍ ശ്രീമന്‍ നാരായണ. 2.5 ലക്ഷത്തിന്റെ കോണ്ടെസ്റ്റാണ് സിനിമയുടെ അണിയറ പ്രവര്‍ത്തകര്‍ ഒരുക്കിയിരിക്കുന്നത്. ഒരൊറ്റ ട്രെയിലറിലൂടെ മലയാളികള്‍ ഏറെ ശ്രദ്ധിച്ച ചിത്രമാണ് അവന്‍ ശ്രീമന്‍ നാരായണ. വീണ്ടും ചിത്രത്തിന്റെ അതെ ട്രെയിലറിലൂടെ മലയാളി പ്രേക്ഷകരെ ഞെട്ടിച്ചിരിക്കുകയാണ് സിനിമയുടെ അണിയറ പ്രവര്‍ത്തകര്‍.
മറ്റു ഭാഷകളില്‍ നിന്ന് മലയാളത്തിലേക്ക് നിരവധി സിനിമകള്‍ വന്നിട്ടുണ്ടങ്കിലും, പ്രേക്ഷക പ്രശംസ നേടിയ അതെ ട്രെയിലറിലൂടെ മലയാളം കണ്ട ഏറ്റവും വലിയ കോണ്ടെസ്‌റ് ഒരുക്കിയിരിക്കുകയാണ് അവന്‍ ശ്രീമാന്‍ നാരായണ. 2.5 ലക്ഷത്തിന്റെ നമ്പര്‍ കോണ്ടെസ്‌റ് പക്ഷെ അത്ര എളുപ്പമല്ല സിനിമയുടെ ട്രെയിലര്‍ കണ്ടു അതിനൊപ്പം വരുന്ന 5 നമ്പറുകള്‍ കണ്ടെത്തി കൂട്ടിച്ചേര്‍ക്കുകയും ഒരു കോഡ് നിര്‍മ്മിക്കുകയും വേണം. ആ നിര്‍മ്മിച്ച കോഡ് ഈ https://ans.pushkarfilms.com/ വെബ്സൈറ്റില്‍ കയറി സീക്രട് ബോക്‌സ് തുറന്നു മത്സരിച്ചു വിജയിച്ചാല്‍, ക്യാഷ് പ്രൈസ് രണ്ടര ലക്ഷം രൂപ സ്വന്തമാക്കാം.
80- കളില്‍ കര്‍ണാടകയിലെ “അമരാവതി” എന്ന സാങ്കല്‍പ്പിക പട്ടണത്തിലാണ് ചിത്രം ഒരുങ്ങുന്നത്. ആ പട്ടണത്തിലെ അഴിമതിക്കാരനായ ഒരു പൊലീസ് ഉദ്യോഗസ്ഥനെ കുറിച്ചാണ് കഥ. ഷാന്‍വി ശ്രീവാസ്തവ, അച്യുത് കുമാര്‍, പ്രമോദ് ഷെട്ടി, ബാലാജി മനോഹര്‍ എന്നിവരാണ് ചിത്രത്തിലെ അഭിനേതാക്കള്‍. സിനിമ അഞ്ച് പ്രാദേശിക ഇന്ത്യന്‍ ഭാഷകളില്‍ റിലീസ് ചെയ്യും.
