അല്ലു അര്‍ജുന്‍ നായകനായ ‘പുഷ്പയുടെ സീക്വല്‍ ‘പുഷ്പ ദ റൂളി’ന്റെ ചിത്രീകരണം പുരോഗമിച്ചുകൊണ്ടിരിക്കുകയാണ്. സിനിമയുടെ രണ്ടാം ഭാഗം കൂടുതല്‍ വിപുലമാക്കാനൊരുങ്ങുകയാണ് അണിയറപ്രവര്‍ത്തകര്‍. ഷൂട്ടിന്റെ അവസാന ഭാഗത്തിലേക്ക് എത്തിയിരിക്കുകയാണ് ഇപ്പോള്‍ ചിത്രം. പുറത്തുവരുന്ന. ഏറ്റവും പുതിയ വിവരങ്ങളനുസരിച്ച് ഫഹദ് ഫാസിലിന്റെ രംഗങ്ങളുടെ ചിത്രീകരണം അവസാനിച്ചിരിക്കുകയാണ്.
സിനിമയിലെ നിര്‍ണായക രംഗങ്ങളുടെ ഷൂട്ട് അവസാനിച്ചെന്നാണ് റിപ്പോര്‍ട്ട്. എസ് പി ഭന്‍വര്‍ സിംഗ് എന്ന വില്ലന്‍ റോളിലെ ഫഹദിന്റെ പ്രകടനം കയ്യടി നേടിക്കൊടുത്തിരുന്നു. സീക്വലിലും ഫഹദിന്റെ ഗംഭീര പ്രകടനമാണ് പ്രേക്ഷകര്‍ പ്രതീക്ഷിക്കുന്നത്.
ചിത്രത്തിന്റെ ആദ്യ ടീസര്‍ വലിയ ജനശ്രദ്ധയാകര്‍ഷിച്ചിരുന്നു. ആദ്യഭാഗത്തെ അപേക്ഷിച്ച് സീക്വലില്‍ ഏറ്റവും മികച്ച സിനിമാറ്റിക് എക്‌സ്പീരിയന്‍സാണ് അണിയറപ്രവര്‍ത്തകര്‍ വാഗ്ദാനം ചെയ്യുന്നത്.
അല്ലു അര്‍ജുന്റെയും ഫഹദ് ഫാസിലിന്റെയും കഥാപാത്രങ്ങള്‍ തമ്മിലുള്ള നേര്‍ക്കുനേര്‍ പോരാട്ടത്തിനാണ് പ്രേക്ഷകര്‍ ഇനി കാത്തിരിക്കുന്നത്. റിപ്പോര്‍ട്ടുകള്‍ പ്രകാരം സായി പല്ലവിയും വിജയ് സേതുപതിയും സിനിമയുടെ ഭാഗമാണ്. സിനിമയുടെ റിലീസ് ഔദ്യോഗികമായി പ്രഖ്യാപിച്ചിട്ടില്ലെങ്കിലും 2024 ജനുവരിക്ക് ശേഷമാകും റിലീസെന്നാണ് സൂചന.